السلام عليكم..
صباح /مساء الخير اخواتي
قرأت موضوع لوحده من الاخوات عن التمريض ولاحظت انه فيه بعض العضوات ماخذه فكره سلبيه مررره عن المستشفى
ويمكن تكون هي نموذج من بعض افراد مجتمعنا..
استغرب ليه لما يشوفون وحده بمستشفى علطول يحسون انها متفتحه وجريئه ويشكون احيانا باخلاقها..
ليه المجتمع يرفض حتى يزوجون ولدهم من اللي تشتغل بمستشفى .. اوكي ممكن اختلاط ويغار هو عليها ومن هالكلام بس هل هو لما يتزوج البنت اللي تكون في غير هالشغله واثق انها محترمه وعاقله ؟؟
ليه تفكير الناس كذا؟؟ متى بتفكر الناس بشكل ايجابي ؟؟
راح اقول لكم سالفه حصلت لي من بعدها حسيت انه فعلا الناس مازالت محتاجه وعي اكثر.. طبعا كنت اشتغل بالمستشفى بحكم اني اخصائيه نفسيه فخلصت شغلي ونزلت للانتظار لاني انتظر السياره ولقيت وحده هي واختها قامت تسالني انتي وش تشتغلين وتسال وتسال وانا اجاوب ومستغربه من ميانتها شوي الا قالت ماتعرفين وحده من اللي يشتغلون معك تعطيني رقمها قلت ليه ؟ قالت ابي ازوجها اخوي ماعنده وظيفه وتعرفين انتم يالدكتورات تتاخرون بالزواج تبون احد يستر عليكم وبمعنى كلامها انكم تفرحون باللي يخطبكم
انا طيرت عيوني مستغربه قلت لا اسفه انا ما اشتغل خطابه..
وطلعت والى يومكم ماقدرت انسى كلامها كيف الناس تفكر بهالطريقه حتى من القهر حلمت فيها خخخخ
مع انه والله طيلة فترة شغلي زملاء العمل معي بكل احترام يتعاملون والله نعامل بعضنا زي الاخوان وغالبا كلامنا يكون بمحور العمل ولو طلعنا بالكلام برا مجال العمل يكون بطريقه رسميه واحترام ..
المشكله انه الفكره عن المرأه اللي تشتغل بالمستشفى مأثره حتى على المثقفين وحتى على اللي يشتغلون بمستشفى
يعني اذكر مره فتحنا هالنقاش بالمستشفى مع زملاء عملنا فكان واحد منهم يقول انا لو زوجتي تشتغل بمستشفى التابوت يضمها قبل المستشفى
فشوفوا كيف حتى وهو دوامه مستشفى يقول هالكلام
طيب لو ماصار بالمستشفى حريم يعالجون تلقى السعوديات تجي وتقول لا اني ابي حرمه مابي رجال يعالجني
ولو بتخطب لولدها تقول لا مانبي طبيبه ..
مع انها مهنه حلوه وتشرف واللي محترمه نفسها سواء كانت بمستشفى او غيره ماراح يأثر عليها واللي اخلاقها مو كويسه حتى لو كانت محجوره بين اربع جدران بتسوي الغلط بتسويه..
والطب مهم لكل من الرجل والمرأه لكن هنا بمجتمعنا اكثر العوائل ترفض على بناتها دخول هالتخصص وتسمع لابنائها بالعكس تطير بالولد اللي يدخله
وبنات كثييير حلمهم هالتخصص وتتخرج وتتمنى تدخله ولكن العائله ترفض بسبب عادات وتقاليد قاتله
والدين لا يرفض هذه الشغله ابدا صحيح هو اختلاط والاختلاط محرم ولكن للضروره احكام والطب يحتاج المرأه لعلاج مثيلاتها من النساء افضل من ان يراها رجل
انا اذكر وحده من صاحباتي حلمها تتوظف بالمستشفى بس تقول اخاف اعنس ههههه
وهي صادقه المجتمع يفكر كذا ماراح احد يفكر يخطبها اذا هي بمستشفى الا قليييييييل يكون راقي الفكر ومتفهم..
واخيرا ارحب بالافكار والاراء سواء كانت معارضه او موافقه لكلامي
واتقبل اي مناقشه في هالموضوع :42:
الاخصائية النفسيه @alakhsayy_alnfsyh
عضوة جديدة
يلزم عليك تسجيل الدخول أولًا لكتابة تعليق.
انا معاك بكل كلمه قلتيها بس برضو للاسف ابعض البنات االلي نشوفهم عالريسبشن او ممرضات يجونك اللبس ضيق والميك اب الكامل يعني هم الله يهديهم بعضهم عطوا هذي الفكره وبعضهم ماشاء الله بالستر والاحترام انا مو ضد عمل المراه بالمستشفى لكن لازم تكون هناك قوانين واضحه باللبس والستر والاختلاط في حدود معينه يعني نحاول نضمن للبنت انها ماتتعرض للخطر والحديث طويل بهذا الموضوع والله يوفقك والحمد لله عايلتنا متزوجين منهم طبيبات واخصائيات ماعندننا مشكله لانها تتعلق بالشخص والثقه اللي بينهم
مو عيب المراة تشتغل بالمستشفى واذا انا مارضيتت وغيري مارضى بعدين بتقولون نبي دكتورة بنت وساعتها ماراح تلاقون!!
لا يمكنك مشاهدة هذا التعليق لانتهاكه شروط الاستخدام.
الله يعينك ياقلبي
ما ابغى احطمك
هاذي ثقافة مجتمع
انا يوم خلصت الثانوي بنسبة 99% وكسر
قلت ابغى طب
قامت القيامه في بيتنا
ابوي واخواني الصغار والكبار
وعماني وخوالي وعماتي وخالاتي
انفجر راسي من قرقتهم
وبيتنا داخل وطالع وكلن يبيني بحتسيت راس:angry2:
الله لا يعيدها من ايام
قطعت شهادتي وعطيت كل واحد ووحده قطعه :(
الله يهديتس ذكرتيني باللذي مضى
الله يعينى على مجتمعنا
ما ابغى احطمك
هاذي ثقافة مجتمع
انا يوم خلصت الثانوي بنسبة 99% وكسر
قلت ابغى طب
قامت القيامه في بيتنا
ابوي واخواني الصغار والكبار
وعماني وخوالي وعماتي وخالاتي
انفجر راسي من قرقتهم
وبيتنا داخل وطالع وكلن يبيني بحتسيت راس:angry2:
الله لا يعيدها من ايام
قطعت شهادتي وعطيت كل واحد ووحده قطعه :(
الله يهديتس ذكرتيني باللذي مضى
الله يعينى على مجتمعنا
الصفحة الأخيرة
يؤسفني بصراحه نظرة بعض افراد المجتمع
والله يعطيكم القوة والعافيه ويكتب لكم الاجر ان شاءالله على مهنتكم وعلى ماتحتملونه من نظرات المجتمع وتفكيرهم