مسوية لكم اليوم مراصيع محشية بالبصل طريقة مرة حلوة وبشكل مختلف شوي ماتصدقون لو قلت لكم
اني متعلمتها من وحدة كفيفة كبيرة بالسن تسويه باستمرار ماشاء الله تبارك الله عليها . الله يجازيها
بالخير ويعوضها بالا خره عن عينيها
الطريقة
اول شي تصلحين الكشنة وهي عبارة عن بصل تقلبينه بشوية سمنة وتحطين عليه بهارات مشكلة
وملح وتقلبينه لين يذبل البصل .
عجينة مراصيع عادية"مصابيب" بعدين حمي التاوه وصبي فيها المصابيب بحجم متوسط ,في البداية
لا تكثرين العدد يعني سوي 6 وقبل ما يجمد سطحها قومي على نصف العدد من المصابيب وحطي
على كل وحدة ملعقة صغيرة من الكشنة ولا تجي الكشنة على الاطراف
وبعدين غطيها بطبقة ثانية "لازم تكون الطبقتين غير جامدتين من الوجه حتى لما تجين تحطينهم على
بعض يلزقن " وحاولي تلزقين الاطراف باصابعك
حمريها من تحت وبعدين اقلبيها على الوجه الثاني
ولما تخلص الكمية نصب عليها شوي سمن ونقلبها بشويش عشان ماتتفتح
اولادي يحبونها حاليه عشان كذا احمي شوي عسل واصبه عليها ويطلع ولا الذ منه
جربوه مارح تندمون
ياربي يعجبكم