والله ياأختي أم صخر أنا سويت نفس الطريقة اللي قالك عليها زوجك..
طلعت قبول من الجامعة وبعدين أرسلتها للملحقية..
بس زوجي على حساب الوزارة.. وماأدري إذا تعاملون من الوزارة بنفس الطريقة ولا لأ..
لكن الظاهر أنها ماتفرق مادمتي مرافقة مبتعث..
وبالنسبة للمدة فهي تختلف.. من شهرين إلى ثلاثة.. وسمعت من البنات أنها أكثر.. والله أعلم..
أنا لسا مرسلة الأوراق وانتظر الرد من الوزارة..
بس على فكرة معاملتك تقدرين تتابعينها من موقع الملحقية..
وتعرفين وش صار ووش باقي عليها..
والله يكتب لك اللي فيه الخير..

يا اختي مشكوره وما قصرتي ..طيب بالنسبه بعد القبول ان شاء الله الراتب بيعطوني راتب المبتعث المتزوج ولا يعطوني زي الاعزب؟؟ لان زوجي يجيه راتب من شركته!!

بصراحة اللي أعرفه انك لما تكونين مبتعثة على حساب الوزارة..
يجيك راتب أعزب.. ويكون لك رقم ملف خاص فيك وحساب خاص فيك ينزل فيه الراتب..
لكن نظام ابتعاث القطاع الخاص ماأدري عنه بصراحة..

طيب في حالة اللي مبتعثه وزوجها معها مرافق وعندها عيال كيف يكون الراتب يعني ما راح يحسبون الاطفال والزوج؟؟
يعني مثل المبتعث المتزوج يكون راتبه اكثر من الاعزب

خلا ص الاربعاء كان اخر يوم