هلا رنيم بالعكس مره متعاونين روحي للشؤون وادخلي عند المسؤله عن قسمك خوذي معك صوره من الوثيقه وصوره من السجل الاكاديمي وصوره من جواز السفر <<ترجميها من الكليه احسن الاوراق حقتهم عليها شعار الكليه يعني كانها مي ترجمه نفس الاصل بس بالانجليزي

وبالنسبه للتوصيات رحت لمكتب الدراسات العليا قالوا هم يرسلونها للجامعه اسئليهم حتى تتأكدي وما يوهقونك عموما التوصيات لاحقه عليها لانك بالبدايه رح تدرسي انجليزي فما راح تحتاجيها اول سنه (غالبا)

وبالتوفيق,,,,,,,,,

السلام عليكم
كيفكم
اختي ناي عني شلون فيني فيني الأختلاط انا عادي عندي اروح للجامعه وفيها اختلاط بس ابغى يكون ريسيرش وتكون مشرفتي حرمه تتوقعين ممكن لأن الريسيرش مايتطلب حضور يومي ومحاضرات صح واذا تدرسين انتي كيف الدراسه بأستراليا (تبين الصراحه زوجي رافض دراستي اختلاط ما ادري شلون بكمل قلت بروح واشوف الوضع يمكن يرضى ادرس ريسيرش قولي ان شاء الله يكون متفهم )

بالنسبه اختي رنيم
انا كتبت التوصيه بالكمبيوتر انجليزي وحطيت فراغات لو بغيتي نموذج منه عطيت وقلت للدكتورات ان الجمعه عطتنياه وعبوه وختموه وحطوه في ظرف يوم قدمت على الجامعه في بريطانيا عطوني نموذج ثاني وقالو عبيه من قبل الدكاتره وعبيته بعدين حصل ظروف والغينا بعثتنا وحولنا على استراليا بس الحمدلله للحين كلش عندي
وبالنسبه لترجمة السجل الأكاديمي من الكليه نفسها غصب عليهم قال ايش نفسهم شينه ما ادري على ايش شايفين نفسهم انا بطلعت الروح طلعت التوصيات وانا اترجى الدكتورات يقولون مانتذكرك لكن الترجمه على طول ترجموا لي الشهاده وختموها ويوم راجعتها لقيت فيها خطاء ورجعتها وعادوها بكل رحابة صدر

مدري ليش احس اليوم بإحباط واني بروح مع زوجي واقعد في البيت لادراسه ولاشي بس قولوا الله يعين لأن امنيتي اكمل دراستي

ربي يوفقك يا نجوم وترجعين باحلى شهاده

هلا وغلا بجميع الاخوات اللي ردوا علي
الاخت رنيم انا ترجمت شهاداتي عند مكتب للترجمة معتمد وبالنسبة للتوصيات هي بالانجليزي اصلا انا علي فكرة كلية تربية
الاخت ناااي الكردت اللي تقصد اوت اوف رييتش اللي هي الوحدات عندنا وبتحصلينهافي العرض حق الجامعة اذا انتي زيي سنه ونصف يعني 48
نجوم تأكدي من ناحية الدراسة بالبحوث هل الوزارة تقبلها والا لا لأني سمعت انوا لازم كورسات او مكس