انا من الناس اللي اروح انا وزوجي للولادة وخلاص ما اعلم احد واذا ولدت يبشرهم زوجي
بس حملي الاول كان وقتها عيد الفطر وكنت انا وزوجي عند اهلي بالعيد وفجاة جاني نزيف قوي جدا وكلهم شافوه وبسرعة نزل بابا يشغل السيارة وزوجي وماما الله يرحمها مسكوني ونزلوني ووقتها ماما وبابا كسروا خاطري والله دموعهم اربع اربع خايفين علي وبابا من كثر الخوف والله انه اخذنا للمستشفى بدون مايلبس شي برجلينه راح حافي
لاني كنت جالسه معهم وفجأة نزل دم بشكل غريب والله عدمت لهم الصاله وطبعا توفى الولد الله يجعله شفيع
والولادة الثانية رحت انا وزوجي بدون محد يحس وولدت وبشرناهم
وولادتي الثالثه رحت انا وزوجي وتركت بنتي والشغاله عند بابا وخواتي وقلت لهم بروح الحرم وهناك زحمه صعبه اخذها وصدقوني
ورحت وتاخرت كم ساعة بالولادة واتصل بابا على زوجي يقول بتطمن تاخرتوا بالحرم خفت عليكم قاله لا حنا الحين نبي نروح للمواقف وندور لنا مطعم ونتعشى وعقب نجيكم وصدق بابا الكذبه
وبعد شوي اتصل زوجي عليه ويبشره اني ولدت
وبابا يوم جاني المستشفى دعا لي يقول والله زين ماعلمتيني ولا كان ارتفع السكر عندي (لانه مسكين بعد وفاة ماما الله يرحمها صار هو امنا وابونا الله يخليه ويطول بعمره )

فخلاصة الكلام
الام والاب لاتعلمونهم بالولادة ابداً حرام مساكين والله بيتعبون اضعاف اضعاف تعبكم
اسكتوا وروحوا مع ازواجكم اولدوا بالسلامة وعقب بشروهم وخلوهم يفرحون بدال مايعانون معكم وش ذنبهم هم

روحي لحالك احسن

لا والله صعبه اروووح اولد من دون امي من جد احسها هي الي صبرتني على ولادتي وانا بكرية واحس اصلاً مرا مستحيل اقدر اولد بعد كذا وهي مو جمبي ولو سويتها ورحت من دونها كان اتبرت مني على قولتها ههههههههههههه فديت قلبها الطيب وربي مآيحرمني منهآ .......

والله ماله داعي مرافق

على اني بكرية الله يسر ولادتي ما فكرت اقول لاحد


اصلا وانا تعبانه ما ودي زوجي عندي كيف غيره


واللي محتاجه عشان قيصري تجيبك بعد الولادة


والدعوات من الوالدة كل كلمتها وصيتها ولا اخضها بتعبي هي ناقصة الله يمتعها بالعافية

أنا كل والداتي أروح لحالي ماودي أمي تدري وتهتم وينشغل بالها ولكن ان دروالناس يدعون لي باالتيسير حتى العمليه ماحد رافق معي