المراكز الصيفية ذات البرامج المتنوعه بالرياض وللبنات ربي يسعدكم

السلام عليكم ورحمة الله

هالمرة حبيباتي اللي طالبتكم مرت اخوي,,عندها ماشالله بنيات وماتعرف نادي توديهم له

هي بالرياض وساكنه شمال الرياض..وعندها 3 بنات 13سنه و11سنه 8سنوات

وولد5او6سنوات مومتاكدة : ) المهيييييييييييم انها تبي مركز اونادي عشان بناتها الثلاث

وكمان مركز مناسب لولدها,,ابوهم ماعنده نيه انه يسفرهم فهي تبي تشغل بناتها وولدها بشي ممتع

وبنفس الوقت مفيد..اسمع بناتها يقولون نبغا(كانبينق)..مخيم فيه برامج متنوعه من كمبيوتر وطبخ واشغال فنية...الخ من البرامج المسلية..

انا قلتلها ع المناهل فقالت انو غالي..اللي تعرف بكم الاشتراك تقولنا ربي يسعدها,,انا لانو عندي اولاد

اوديهم نوادي عادية للذكور..لكن هي بناتها مساكين يطفشون مررة بالاجازة ,,واخوهم بعد يطفش مسكين

فياريت ياكريمات حواء انكم تذكرونلنا مراكز فيها برامج متنوعه وتذكرون لنا الحي والسعر واي شي يتعلق فيه ربي يحفظكم

بيضوا وجهي عند زوجة اخوي ترااها غااالية علي وانا دائما اقولها ان بنات حواء هم المنقذات لي في بعض الامور..الله يخليكم لي ولايحرمني من ارائكم السديدة النافعه ربي يسعدكم

بالانتظااااار