المرايا المكسورة والستاير الناعمة

مرحبا اخواتي الغاليات
شفت فكرة اليوم وعجبتني فقلت خليني اعرضها عليكم لاني متاكدة مافيه بيت الاوفيه مرايا مكسور طبعا على طول نرميها وعمرنا ما فكرنا كيف نستفيد منها وحدة من الاخوات عندها فكرة حلوة لااستغلال المرايا المكسورة تعذرني لنقل الموضوع بس حبيت افكارها

إذا عندكم مرايا ماتبونها. أو بتنقلون من بيت لبيت وملزقين مرايا إيكيا لا تخلونهم
واقلبوا المرايا على الظهر.. وتحتها جرايد ..أو بالحوش كسروا بالمطرقة وانتبهوا لعيونكم وأيديكم إلبسوا قفازات ونظارات للحمايةوبعد التكسير
:أولا: جمعوا الأحجام والأشكال المتشابهة مع بعض.
ثانيا:وجهزوا الصمغ المسدس أو اللزاق الأبيض (دبل فيس)
ثالثا: ارسموا الشكل اللي تحبونه بقلم رصاص
رابعا: امشوا عاد على الرسمة مع وضع الصمغ على قطعة قطعة.. وانتوا ونظرتكم وذوقكم الحلو تختارون الكبير وبعدين الصغير أو العكس..
بس وسعوا خيالكم بالتلزيق و كأنك بتردين تجمعين شكل المرايا..وأنا صورت لكم صورتين سويتهم بنفسي وحدة بمدخل شقتي ويمينها ويسارها الشموع (رهيبة بالظلمة مع انعكاس ضوء الشمعتين عالمرايا)
والثانية أم زوجي طلبتني أسويلها بممر الصالة

تابع الفكرة الثانية في الرد التالي