المرتاحة والمبهذله <<< قديم

مافيه احد مرتاح. ..الدنيا ماصفت لﻷنبياء والصحابه عشان تصفى لنا...


انا صرت كل ما اشوف وحده كشخه ورزه اقول يالله تلاقين داخلها هم كبير...


لكن عموما وعلى سؤالك....المرتاحه على قولتك يصير شكلها زين وتتزين وصحتها زينه...اما المبهذله على قولتك مبهذله لاشكل ولا.صحه ولا راحه

وانا اختك مووضوعك على الجرح

تصدقين توني من تالي بديت افرق بين الحرمة الي رجلها مدللها وبين الي مكسف فيها وغاثها

يختي تلقين الي مدللها مرتاحة نفسيا وواثقه من نفسها وتحب دايم تقول زوجي وزوجي ولازم تعرفين اسم رجلها من كثر ماتردده واهل زوجي

وحتى لو كانت ماتلبس وميب كشخة يختي نظراتها ووجهها غير احس وجهها مفرود ماشاءالله تبارك الله

لاتقولون كيف مدري احس

وتلقين الحرمة المتكسفة ذابلة مهمومة ماتجيب طاري رجلها وان جابت طاريه على سبيل الذم وبصيغة الجمع

وتلقينها ماتهتم بنفسها وبس تسولف عن عيالها الله يسخر لنا ولها ولكل مسلم

الدنيا ممر مو مقر , ومافيه أنسان بدون هموم

بس المرتاحة أعرفها من شخصيتها , من تعامل أطفالها معها و تعاملهم معها , أن زوجها ما يسافر و يتركها وراه ,

أنها دايماً رايقه تبارك الرحمن , يعني سبحان الله تبان عليها الرااحة


أما المبهذلة تروح لأهلها زعلانه أو نسمع كلام بمشاكلها مع زوجها أو زوجها يسافر و يتركها و تكون دايما مكسسورة

يعني بكل جمعة تحسينها مكسسورة من داخل مهما كشخت

و أطفالها أبد مبين عليهم الذل حتى لو كشخة بس تحسين نفسيتهم غيير عن باقي الاطفال

و إذا زوجها بخيل تلقين أثاثها مبهذل و له سنين بس ماغيرته و لبسها و لبس زوجها يدل على البخل

لا اله الا الله

صح مافي احد رتاح بس فعلا فيه حريم يبان عليها الراحه والرفاهيه من لبسها من جسمها من بيتها من لبس اعيالها من طريقه ردها ع الجوال لادق عليها زوجها عكس بعض الحريم الله يعوضهم بلجنه صايرة المرة والرجال بنفس الوقت