ياااااااااااااااااااااربي تسلمين وتتوفقين
ماشاء الله عليك ربي يحفظك
صايره موسووعه ماشااء الله

انا بسالك عن شي دائم اسمع عنه وابي اعرف هو من ايش يتكون وايش فوائده وكيف يستخدم ؟؟
إلي هو السفيد آب

واذا عندك شي مؤكد يفيد الكرش وبالذات اذا كان البطن متدلي ؟

ومشكووره
وجزاك الله كل خير

العفو ... لا شكر على واجب
حياك الله :)

الله يسلمك يارب
عزيزتي السفيد أب منتج إيراني قديم قدم التاريخ والتجارب تؤكد هذا الكلام
وإذا حد عنده مركز مضمون يحلل ويقولنا المكونات ...
أبعث له وين ما كان ويخبرنا النتيجة
بعدين ثمنه رخيص وشغله فوق الوصف :39:
وبالنسبة للكرش إعطيني وقت وأرد عليك بإذن الله
حياك الله :)






الصراحة السفيد أب روعـــــــــــــــــــة
والنتيجة بتبين وياج من أول استخدام أو من ثاني استخدام على الأكثر
فهو ينعم ويطري الجلد ويوحد لون الجسم مع تكرار الاستخدام


الطريقة الأولى هي :

أول شي أمسح ليمونه علي جسمي كله (قبل النوم)..
وبعدين عقب ماينشف أحط روب(زبادي)......
وبعدين أجيب السفيدأب أطحنه واخلطه مع زيت الجلسرين ...
واغسل جسمي من الليمون والروب...
أحط السفيد أب المخلوط بالجلسرين على جسمي وأتركه للصبح
وبعدين أغسله وتبين النتيجة المبهرة

2/
تجيبين السفيد اب يكون مطحون او تطحنينه انتي وتحطين عليه مويه ورد وتخلينه تقريبا نص ساعه
وبعدين تستعملينه.....

3/
بياض ونعومة الجسم:
- حمام مغربي مع ليفته.
- سفيداب ع ليفته
- سكر خشن وزيت زيتون
تؤخذ صخره من السفيداب وتنقع في ماء الى ان تتخثر ..

4/
الوصفة عبارة عن :
ورس مطحون
نيل مطحون
صندل مطحون
سفيداب مطحون
تاخذين المقادير بكميات متساوية وتخلط مع ماء الورد
وتدهن الوجه كل يوم لمدة اسبوع
وبعد ذلك يوم وترك وان شاء الله بتشوفين البياض والنضارة

5/
بعد غسل الجسم تحت الدش ويكون حار شوي... يوضع السفيداب على الجسم
10 دقائق..وبعده يفرك بالليفه.. ثم يترك عدة دقائق ويغسل الجسم.
ثم يفرك الجسم بصنفرة السكر والزيت بشكل دائري.
هذا يستخدم مرتين بالإسبوع.. ومره الحمام المغربي ونفس الطريقه...
وبعد الإستحمام يدهن الجسم بالجلسرين السائل وزيت اللوز المر.

5/
كريم جيليسرين
وصخر سفيداب مطحون
بعد ماتستحمي بماء دافىء حطيه على جسمك وافركي باليفه المغربيه
وممكن تجربي الجلوسليد مع الليمون والفكس والمويه الورد

6/
اول شي احب اقولكم اني مجربه السفيداب بنفسي ويشهد الله حتى اني نفسي مو مصدقه بياضي ونعومتي ,,, قبل كنت استخدمه بس بصراحه كنت اتكاسل ,, بس حاليا صار لي 3 شهور استعمله بانتظام والنتائج والله والله اكثر من روعه اصلا مدهشه

الاشياء المطلوبه

قرص من اقراص السفيداب
كيس للتدليك >>>>> اي بنطلون جينز ما تحتاجي قصي منه وخيطي على شكل مستطيل وبقي طرف منه مفتوح لادخال اليد فيه

واليكم الطريقه الصحيحه 100%

اول ما تدخلي الحمام وانتو بكرامه , افتحي الدوش الحار واغسلي شعركم وانتي تحت الدوش عشان جسمك يصير طري او بالاحرى عشان الجسم يتنقع
يعني اقل شي لازم تطولين مع شعرك في الغسل اكثر من 15 دقيقه
كملتي غسل الشعر اخرجي من تحت الدوش وبقي الدوش مفتوح عشان يبقى بخار الماي الحار مستمر
هاتي كيس الجينز وهو ناشف ودخلي ايدك فيه وبايدك الثانيه امسكي قرص السفيداب مثل الصابون وافركي فيه الكيس بعدين افركي اول شي الرقبه بخفه شديده عشان ما تخدشي الجلد
بعدين مره ثانيه افركي القرص على الكيس ودلكي بقية اجزاء الجسم بحركات عموديه يعني دلكي الايد من فوق الى تحت وبالعكس وهكذا مع الساقين
ركزي كثير على الارداف ودلكيهم بحركه دائريه وبخفه لان هذي المنطقه تكون خشنه اكثر من باقي الجسم بسبب كثرة الجلوس
والركب والمرفقين ركزي عليهم ايضا >>>>> لان خشنين وسمر والجلد يكون قاسي
راح تشوفين خيوط من الجلد الميت والدهون والسواد , بعد ما تكملين جسمك تركي الكيس وخذي قرص السفيداب لوحده ودلكي بخفه وجهك مع التركيز على منطقة الشنب وجانبي الوجه القريبه من الاذن >>>>> لان مع الاستمرار بعد فتره تشوفين الشعر في هذي المناطق يختفي خاصتا الشعر الناعم
من تشوفين صارت تحت اصابعك خيوط , قومي بتدليك وجهك وفركه باطراف اصابعك , مدة دقيقتين او ثلاثه
كملتي كل شي دخلي تحت الدوش واخذي حمامك عادي باي صابون متعوده عليه عشان تنظفين جسمك من خيوط الجلد الميت >>>>>> يفضل صابون الغار لان ما فيه ريحه ومفيد جدا خاصتا للمكان الحساس
اشطفي جسمك من الصابون بالماي ادافئ
اخر شي افتحي الدوش على الماي البارد و اشطفي جسمك لغلق المسامات وتنشيط الدوره الدمويه للجسم وشده
نشفي جسمك ورشي ماي ورد على كل جسمك >>> ونعيما
تسوين هذي العمليه في الاسبوع مره مثلا كل يوم جمعه
بعد شهرين تشوفين نتائج مذهله
اول شي بياض غير متوقع
ثاني شي نعومه وطراوه
ثالث شي التمس منكم الدعاء بالذريه الصالحه
تحياتي اختكم ناردين

7/
تدرون انا حسيت بفرق واضح بس مو مثل اللي شفته بعد الحف ... يا بناات كأنه سحر ,,, واختي وامي ماصدقوا البياض والنعووومة

والله يا بناات مابقى شي من سماار في ركبتي وانا ما استخدمته الا اسبووووووع بس

إلي هو الليمون+ السفيد اب


شوفوا يالغالياااات اول شي تروحون العطار وتاخذون اقراص السفيد اب مووو المطحوون اوكيه؟!!

وفي البيت تطحنونه وتخلونه عندكم بعلبة

وقبل النوم تجيبون ليمونه "ياريت لو صغيره عشان ماتنقط النعمة في الزبالة"
وتفركين بيها المنطقة المراد تفتيحهااا

وبعدين اتجيبين يا طويلة العمر السفيدآب "المطحووون" وتحطينه على المنطقة وتفركينه بس مو بالقوو

بعدين بتلاحظين طبقة مايله للبيج وبس

لاتغسلينها .. صبري الين ماتجف وبعدين كملي حياتج عااادي:-) ونااامي

والصبح غسليه وياريت اتحطينه مرتين ترى بس ينشف ماراح يمللج

ملاحظه: لو بشرتج حساسه وماتستحمل الليمون حطي بداله مـــــاي ورد

السفيدأب نتيجته مضمونه وأغلب الخلطات مجربه وشفنا نتايجها المرضيه

بس أي خلطه لازم تستمرين عليها أقل شي لمدة شهر ومو كل كم يوم تغيرينها

عن السفيدأب لازم تستمرين عليها شهرين وبشكل مستمر

للاماااااااااااااانه استخدمت هالصابون اللي على شكل قرص لكن عيونكم ما تشوف الا النور وجهي حساس فاحترق بسرعه وخاصة المنطقة عند الفم وصارت حمرا وتحرقني وتحولت سوداء وما راح الا بعد ايام من المحاولات بالماي البارد والروب البارد وكريم الاساس فانتبهوا يا بنات ............... وشكرا

8/
الله يعلم .. كنز وطحنا عليه

بللي وجهك بالليمون وإذا كانت بشرتك حساسة بلليه بماء الورد
وبأطراف أصابعك دلكي الوجه بتنزل مثل الخيوط كأنك تمسحين بمساحة
واستمري إلى أن يتوقف نزول مثل هذه الخيوط تاخذ 5 دقائق تقريبا
وتبقى بودرة حطي طبقة ثانيه ... ونامي
مرة يوميا قبل النوم
ستختفي البقع البنية والكلف والنمش .. وينور الوجه وينعم
حطي ماء ورد الصبح بعد ما تغسلين السفيد
وإذا كان جاف وايد ( متقشر ) حطي زيت اللوز الحلو من الصيدلية أو السوبر ماركت
استمري عليها أسبوع وشوفي النتيجة الباهرة
وإذا احتاج أسبوع إضافي على حسب الحالة .. إنت الحكم والنتيجة تلمسينها ...
وإذا تبين نتائج أحلى وأسرع
اشربي يوميا الصبح على الريق كأس ماء + ملعقة ماء ورد
وبعد أسبوع حطي تجربتك
أتمنى لك التوفيق

9/
للإسترخاء

بسم الله الرحمن الرحيم
إذا كنت تعبانه ومتدقدقة من شيل أشياء ثقيلة ...
اسبحي بالصابون السفيد أب
واستلقي بتحسين براحة واسترخاء رااااائع

تجاربي مع السفيد أب

10/
الخدود وردت عندي على فاتح ...

بس لما شربت ماء ورد على الريق .. زاد كأني حاطه حمره

وبالنسبة للشد الصابونة تشد وايد نصيحة لا تكثرون أكثر من مرتين في اليوم

هذا مش جفاف هذا شد وللبشرة الرقيقة مرة يوميا تكفي واللي بشرتها حساسة وايد

وتبي تستفيد من الصابونه تستعملها يوم ورا يوم .. ولا تخلي الرغوة تغسل بسرعة

أتمنى الكل يجربها .... رائعة بجد

الله يبارك للجميع



بسم الله الرحمن الرحيم

السلام عليكم ورحمة الله وبركاته

كيـــف حالكــــــــــــم يابنـــــــــات ان شاء الله طيبيــــن

عرفلتكم سر جمال وبياض بشرة الايرانيات وهو ( الاسفيداب ) وعن تجربه والله يابناااااات

وهو عباره عن حجر بركاني موجود فقط في ايران ومنهاااااااكمان صابون ونتائجه روووووووووعه

وحجر السيفداب وهو كاالطبشور ابيض الالون با سرعه تفتت في ايدك

ويصير كا الابودره ومعروف عنه انه مبيض طبيعي 100% ومنعم للبشره يعطيها نعومه خياليه عن تجربه


وهذا بعض التفاصيل عن الاستخدام الصحيح لهااااا

أولا : حجر السفيد أب أو حجر الباروق له أسماء عديدة وهو يأتي على شكل كور في حجم الجوز تقريبا ،لونه أبيض ، ويسمى ( سافي دو ) باللغة الإيرانية لأنه باللغة الإيرانية سافي يعني أبيض ،
ويسميه أغلب العطارين بصابون السفيد أب ( فهنا ممكن يصير الخلط) بينه وبين الصابون السفيد أب
اللي مثل الصابون العادي .

المهم استخداماته :

- تؤخذ حبه وتوضع داخل الليفه المغربية مع الصابون المغربي ممتاز ومجرب
- يطحن ويصنع من البودره ماسك مع ماء الورد للجسم والوجه ينعم ويبيض
- البودره تستخدم في الحف وفي الصالونات يستخدمونه عند الحف بالخيط يوضع قبل الحف لتخفيف الألم .
- ومن كلام صديقه أعجمية قبل لا أعرف شيء عن الحجر قالت لي إنهم يستخدمونه في نتف الإبط لمنع الألم وهم متعودين على استخدامه ، والطريقة إنها تفرك الحجر وتبدأ بالنتف !! وقتلها وإذا الشعر صغير قالت عادي لأنها مربيه أظافر .

ثانيا : أما صابون السفيد أب فهو صابون عادي ( كأي صابون في الإستخدام ...) ومن مكوناته هذا الحجر السفيد أب لذلك سمي بإسمه .. ومكوناته طبيعية .. ولونه أبيض وفي كرتونه خضراء

استخداماته :

- للوجه الأفضل وضع ماء الورد بعد استخدامه لأنه خالي من المعطرات وريحته ممكن تكون غير مستساغة عند البعض ( في ناس جربوها وقالوا عادي )
وهو مناسب جدا للبشرة الدهنيه ولحب الشباب وآثاره ... مجرب
- عند استخدامها للجسم فإذا كنت مرهقه فهي تخلي الجسم يسترخي .... مجرب
- وللمناطق السوداء في الجسم يفضل ترك الرغوة فتره ويغسل وإذا جففت شوي يوضع مرطب للجسم أي كريم ... مجرب
- وتمت تجربة الصابون لتخفيف الألم عند نزع الشعر فجاب نتيجة والطريقة تتركين الرغوة فتره ثلاث أربع دقائق وتغسلين وبعدين تبدإين تشيلين بالحلاوة أو بالماكينة .

تسلم ايدييييييييييييييييييييييك
تميز غير عادى ماشاء الله لا قوه الا بالله حقيقى انتى عملتى لينا كلنا مرجع رائع

الله يسلمك يارب
جزاك الله كل خير
منكم وإليكم ... وأي إستفسار أو إضافة ...
تحت أمركم :39:
حياك الله :)