المرخ وكاسات الهوا بالشرقيه

مرحبا حبوبات بصراحه عجزت ادور على مراخات
وقمت اسأل وادور المهم طحت على كم وحده بالشرقيه لاني انا من سكان الدمام ولقيت شي بالدمام وشي بالجبيل والظهران وكلن يمدح سوقه
المهم قلت ابدأبالقريب والناس يمدحون فيها بس اسعارها احس مبالغ فيها وتحب تبالغ عشان تكثر جلسات التمريخ
وكلمة نفس وعين حاره على لسانها
وبعد غاليه في مرخ الاطفال وترفيع المواليد
ومدري والله انا جربتها مره وقالت يبي لي سبع جلسات وانا قلت اتاخر لحد ماتجي وانتو بكرامه الدوره وساعتها بروح والطامه انها يوم كشفت علي قالت لي عندي نزول بالارحام ولو حملت بسقط وانا اصلا توني والده مالي 4 شهور ولاده عسره وفي الاخير قيصريه ولقو الرحم مليان دوالي و و و
ودقي يامزيكه
طبعا الطامه لما وديت لها بنوتي الاخيره وشافت وجهها قالت بتحملين وراها بسرعه انا وقتها:mad:
قلت شلون قالت في اطفال من وجيهم يبين انهم يبون وراهم طفل وبسرعه يعني في اقل من سنه ممكن تحملين وفي اطفال من وجيهم مايبون
انا وقتها حسيت انها تتفلسف وماعندها سالفه او يمكن عشان الكلام ماعجبني بس الناس زحمه عليها
مابي اقطع رزقها بس ابي اعرف اذا في احد تعالج عندها ولقى نتيجه زينه والا لا
بالعربي ابي تجاربكم مع الممرحات وهل صادفتو ناس مثل هذي وعلى فكره هي تسوي كاسات الهوا ومساجها زين وتقول انها تعالج كل شي يخص الحريم وسوالفهم من هوا الخ الخ الخ
هذي عاد ام نايف في عبدالله فؤاد
والباقين اللي ماجربتهم هم ام عبدالله وام نواف بالظهران وام مساعد بالجبيل
واذا تعرفون احد ثاني وزين عطوني خبر لاني من جد محتاجه وابي وحده ثقه