المرضعات الله يخليكم ادخلوا الله يرحم والديكم ..

هلا اختي ..

حمد لله على سلامتك ..

بالنسبة للتشققات عليك بزيت الزيتون .. جيبي قطن وحطي عليها زيت زيتون وامسحي الحلمة ..

بااذن الله تترطب واستمري عليها واذا جيتي بترضعي البنوتة اغسليها ..

حبيبتي حاولي تحطي مخدة اسفل راسها وكوني جالسة ومسندة ظهرك عشان ترتاحي وترتاح هي بالرضاعة ..

وسمي عليها وحاولي المكان يكون هادئ وانتي امسحي على راسها صدقيني بتلاقيها ترضع بكل سهولة ..

قد ايش ترضع منك انا بنتي كانت تاخذه لمده عشر دقايق واحيانا ربع ساعة وبعد ساعتين تجوع ..

اتمنى افدتك ولو بشيء بسيط ..

السلام عليكم اختى لؤلؤه قرات كلامك وتذكرت معاناتي قبل كم اسبوع كانك تتكلمي عني والان الحمدلله ارتحت لاني اخذت كريم من الصيدليه في البدايه ما نفع وبالاستمرار جائت النتيجه خلال يومين فقط ومع ذالك انصحك انك تحاولي ما تجيب لها الا من صدرك ومباشره وتستحملي الام شويه وبعدين هو يالم اول دقيقتين من الرضاعه وبعدين يزول الام بالتدريج ياعمري وحاولي وراح ترتاحين الله بس يكتب لنا الاجر مع ها البايبي جننونا معاهم

اهلين لؤلؤه

الحمد لله على سلامتك ومبروك النونو


كلنا مرينا مثل معاناتك كأنك تتكلمين عني في اول ولاده لي

فعلا كنت احس بالم فضييع هذا غير اني ارضع من جهه والجهه الثانيه ما اقدر

بالنسبه للتشققات وانتي مغمضه عليك بكريم بلمرز ممتناز خاص بتشققات الثدي

والالم استحملي وربي كنت اعض شفايفي من قوته لكن الحمد لله كله بأجره

ومع الايام راح تعرفين ترضعين بنتك من الجهتين وحطي مخده تحت راسها وانتي ترضعين مهم

والله يعينك على تربيتها ويخليها لك

نفس معاناتي واستخدمت كريم افالون للتشققات وكنت احطه بعد كل رضعه ومايحتاج اغسل الحلمه قبل الترضيع لانه مافي ضرر للرضيع واستمريت اسبوع شوي شوي واختفى الالم الحمدلله

ربنا يعينك أختي مريت بتجربتك وأكثر من مرة لدرجة التشقق تحول لجرج ونزل منه الدم كمان, عليكي أولا بالصبر ثم الصبر ثم الصبر وقبله الدعاء لله.... ثم معالجة التشقق, والانتباه لو كان هناك لون ابيض على الحلمة المشققه, هذا معناه فطريات بسبب الرطوبة والتشقق, عندها تحتاجي لمرهم فطريات واستشيري طبيبتك, وأعتقد طالما أنك عانيتي من التشققات معناها إما أن مدة الرضعات أطول مما ينبغي أو وضعية الرضاعة خاطئة بمعنى أن الحلمة والهالة لابد أن يكون معظمها في فم الطفل حتى لا تتعرض الحلمة للعض من فم الطفل, وأيضا لاتفكري هل حليبي كافي أم لا بل اعملي على زيادته من خلال الغذاء وأيضا هناك حبوب لزيادة الحليب اسألي عنها.......... ووفقك الله