المرضعات طبيعي وصناعي دقيقه من وقتك

وبعد نست شي 
الحين اللي يرضعون طبيعي اطفالهم يعانون من غازات اولا 

انا رضعت بنتي طبيعي بس والحمدلله ما عانت من الغازات كثير والامساك ماجاها ولله الحمد والحين بفطمها ومعذبتني وعشان يدر الحليب كلي ظحينيه واشرب مغلي الحلبه

الطبيعي طبعا افضل بكثير وانت لسا والده يعني ماراح الحليب والحقي نفسك وبنتك قبل لايروح نهائيا هذا رزق من ربي حليب جاهز معقم فيه فوايد ومضادات ماتتلقى في الصناعي
الصناعي ثقيل مره ويجيب امساك وغازات لكن الطبيعي مايجيب غازات
وبالنسبه لشبع للبيبي رضعي ثلث ساعه وتجلس شبعانه ساعتين ولازم توقفيها تتشجأ تطلع فقاعه الهواء عشان ترتاح وماتجلس كل شويه ترجع الحليب من بطنها
طبعا يختلف مقدار الجوع والشبع من طفل لاخر يعني ممكن بنتك تجوع قبل الساعتين فعطيها ترضع عادي
وافضل شي خليها ترضع قد ماتقدري لان حليب الام خفيف بسرعه تجوع
انت حتتعبي في الحيره انها شبعانه ولا جيعانه الين يصير عمرها شهر ونص تقريبا بعدين بيصير كل شي تمام وتتحكمي فمواعيدها مزبوط ان شاءالله
انت بس اصبري فترة الاربعين وشيلي الصناعي نهائيا اصلا حتى الي ترضع صناعي ماينصحوها الاطباء ابدا انها تبدا فيه قبل الاربعين لان الطفل ماعنده مناعه
وفي قاعده كثر المص يدر الحليب يعني خلي قدام عينك ان حليب الاب مصنع وليس مخزن
اي انه ينصنع مع كثر المص والتغذيه الجيده والسوائل اكثري منها وحترتاحين مع بنتك طول عمرك ان شاءالله وبالذات من بعد السنه
سبحان الله مناعة وقوة طوول العمر اقل شي رضعي سته شهور ان لم يكن سنه افضل لك ولها
وان شاءالله تفتكري كلامي وتدعيلي لما تشوفي بنتك تكبر قدامك وانت ماخشيتي مستشفيات الا قليل مره

الطبيعي أفضل لها ولك ترتاح من كل الامراض وانتي بعد كل مابكت أعطيها لين تشبع وتأكدي انو حفاظها نظيف والاصناعي اخذيه مساعد رضعه او رضعتين بس

حبيت اضيف ان اكثر من طبيب قالي اذا بتعطين طفلك رضعات اضافيه صناعيه مره خطا وماكنك سويتي شي وبيطغى الصناعي على فوائد ومضادات البكتيريا الي في الطبيعي ممكن في الحالات الضروريه القصوى