السلام عليكم ورحمة الله وبركاته
كيفكم عزيزاتي عساكم طيبين وعسى ايامكم مفعمه بالإيمان وطاعة الرحمن
مابطول عليكم وبدون مقدمات يشهد الله إني ماكتب هذا الموضوع للتخويف والترهيب بل كتبته للأستفاده عشان كل وحده تنتبه لنفسها ولصحتها لان الصحه هي راس مال الشخص وبكتب لكم تجربتي ومعاناتي مع هذا المرض عسى الله يجعله تكفيرا لذنوبي وزيادة حسناتي وكل وحده تقراه تدعيلي بالشفاء بظهر الغيب وتنتبه لنفسها
المهم :
انا أمرأه متزوجه من 6 سنوات وعندي طفلين ربي يحفظهم وعمري 27 سنه وحطوا تحت العمر عشرين خط يعني توني ببداية شبابي وصحتي قبل سنتين بالتمام وبعد ولادتي ببنتي بشهرين تقريبا بديت احس بألم برجلي اليسار عند مفصل الحوض بالضبط ويزيد علي الالم ويشتد إذا طولت بالوقوف أو إذا طولت بالجلسه بالذات الجلسه العربيه((يعني عالأرض))والله يابنات أني كنت امشي مثل العجوز وبعدها بفتره الام اسفل ظهري فظيعه قلت يمكت التهابات أو من اللولب ورحت كشفت وكل شي طلع تمام ولله الحمد والمنه وصار بعدها ظهري كله يوجعني بالذات إذا طولت بالشغل والحركه لدرجة كنت أغث زوجي دائما يدلك لي ظهري عشان ارتاح واهملت نفسي مارحت مستشفى ولا شي
المهم قبل شهرين من الآن صارت الآلام برجولي الثنتين والالم متركز بالمفاصل اللي هي مفصل الحوض والركبه والقدم وكنت مع اي مجهود ولو كان بسيط احس بألم فضيع ويتركز أحيانا بكعب الرجلين ويزيد بالوقفه الطويله هذا غير الكدمات اللي تطلع برجولي من غير سبب والله ياخواتي صرت كأني عجوز ركبي إذا وقفت تطقطق وظهري كمان ويوم شفت السالفه زادت علي وبأصرار من زوجي وأهلي رحت وسويت تحاليل شامله وطبعا الدكتوره يوم شكيت لها حالتي قالت لازم تسوين أهم تحليلين اللي هم ((الكالسيوم))و((فيتامين د)) وسويتها طلعت كل النتايج سليمه ولله الحمد لكن الطامه هنا في فيتامين د طلع كل البلى اللي فيني بسبب نقص فيتامين دال ومو اي نقص نقص شديد وطلع نسبته عندي 15
والطبيعي على كلام الدكتوره من 70 الى 100 وفيه دكاتره يقولون الطبيعي من 30 الى 100 وانا عندي 15<<ياويل قلبي <<يعني لو مانتبهت لعمري بأعجز قبل اواني ونقص هذا الفيتامين هو السبب الرئيسئ لهشاشة العظام وليونتها الله يجيرنا وكمان السبب الرئيسي لحدوث هذا النقص هو ::
((عدم التعرض لأشعة الشمس))
ونصيحه من محبه أقرأوا عن هذا الفيتامين المهم اللي كنا جاهلين فيه وأنا أولكم وماعرفته وعرفت أهميته إللى يوم عانيت كل وحده تعاني من رجولها أو ظهرها تروح تحلل وتنتبه لعمرها لأنا حريم والمرأه ضعيفه يعني دوره وحمل وولاده وقعدت بيت لا شمس ولا شي ماغير بها الشقق الله يكفيكم شر الأمراض يارب
اللهم اجعل هذا الموضوع في ميزان حسناتي واجعله سببا في شفائي يارب العرش العظيم
دعواتكم لي بالشفاء :39:
سألتكم بالله ياعزيزاتي المشرفات لاتنقلونه ولا تحذفونه حتى تعم الفائده للجميع:27:
القلب الكبير2011 @alklb_alkbyr2011
عضوة فعالة
يلزم عليك تسجيل الدخول أولًا لكتابة تعليق.
ماتشوفين شر سهل علاجه جرعه اسبوعيا من فيتامين دال لمده شهرين ثم تعيدين التحليل وطبعا لازم تعرضين للشمس
الصفحة الأخيرة
الله يشفيكي يارب