اليوم ومع البرد حبيت اسوي المرقوق طبعا المرقوق الشعبي على اصوله
وماتذكرت اني انزل الموضوع الا بنص الشغل فعشان كذا ماصورت اول الخطوات بس معروفه ونبدا بسم الله
لحم غنم مقطع قطع صغيرة
1بصل مفروم مع 3حبات طماط بالخلاط
3حبات كوسا مقطعه قطع كبيرة او انصاص
قرع قطع كبيره
حبة باذنجان مقشرة ومقطعة (حسب الرغبه انا ماحطيتها)
فاصوليا خضراء مقطعه( حسب الرغبه انا ماحطيتها)
علبه كامله معجون طماط
قليل من الزيت
ملح
كمون
فلفل أسود
بهارات مشكله
مقادير العجين
1/2 2طحين
ماء
نضع الدقيق إناء ونضيف الماء تدريجيا عليه ونعجنه إلى أن تتماسك وتترك لترتاح قليلاً ونقوم بتقطيعها كور متوسطه ونتركها بصحن جانبا
ضعي البصل والطماط المطحون في إناء متوسط على النار وأضيفي الزيت وحركيه إلى أن يتكشن
أضيفي البهارات و معجون الطماط
أضيفي اللحمة وقلبيها معه واتركيها لعشر دقائق وتقلب بين حين وأخر واتركيها تتسبك ثم أضيفي الماء إلى أن تغطي اللحمة واتركيها تغلي نصف ساعه
ثم ضعي الخضار على اللحم ونضع الملح
هنا نقوم بفردالعجين يعني نسفت العجين لين صار بهالشكل خفيف>>>>>>>يمديكم على الحركه خخخخخخ اوممكن تفردينها بالنشابه لحد ماتصير خفيفه
هنا حطيت الاقراص على اللحمه والخضار قرص ورى الثاني يعني احط القرص ثم اغطي القدر واشتغل بالقرص الثاني ثم احطه عليه
هنا بدا ينضج المرقوق
هنا حركته بالملعقه عشان يختلط القرصان مع الخضار شوفو الخضار كيف ظاهره
هنا قدمته بالصحن مررررررره لذيذ
هناالصحن من قرب
زوووووووم اكثر طبعا الصحن انلحس مابقى فيه شي
وصحتين وعافيه
ولاتنسون تقييم الموضوع وايقونه الشكر
وأخير أستودعكم الله ياغوالي ..
تسلم ايديك