طريقة معتمدة عندنا من سنين
وكل اللي في البيت يحبونها
ذاك اليوم محتارة وش اسوي الغدا
شفت سلة الخبز لقيت فيها تقريبا خمس خبزات ماشالله يعني يكفي للمرقوق
اخذته وقطعته
وقطعت دجاجة 8 قطع ونظفتها وسلقتها
بعد ماشلت الزبد وصار مرقها نظيف اضفت البصل المفروم والثوم وحبات الفلفل الاسود و عود الدارسين والمسمار حب الهيل ا وبودرة الزنجبيل والملح والفلفل الاسود وحبتين فلفل اخضر حار وليمون اسود بودرة
وخليته يطبخ
بعد عشر دقايق ضفت البطاطا والجزر والطماط ومعجون الطماط
اخر شي ضفت الخبز المقطع وخليته يطبخ عدل واخر شي الكزبرة المفرومة
الطعم يجننن خاصة وهو حار
والحمدلله الذي رزقنا هذا من غير حول منا ولا قوة:cook: