المرقوق لعيون هنا الكويتية وبنات حواء

المرقوق بأحسن طريقة
تعجنين عجينه ماء +ملح فقط وتكورينه وتفردينه (ترقينه ) زين بعدين تسخنين الصاج حق الخبز وتحطينه عليه شوي بس حتى تنشف ولما تخلصين اتركيهم على جنب اذا تبين تصلحينهم على طول واذا تبين بالفريزر لوقت الحاجه ،
خلصنا من العجين هالحين نجي للطريقة .........
لحم + بصل + طماط + كوسه الوحده نقسمه اربع قطع بالطول بعدين بالعرض باذنجان + قرع + فقع ان توفر + جزر 4 حبات + بهارات +شوي زيت +ملح +فلفل اسود + فلفل اخضر او احمر قرون + صلصه + لوبيا
الطريقه :
نشب على اللحم والبصل والبهارات وبعدين اذا طبخ واستوي اللحم نصف استواء نضيف الخضار نبدأ بالقاسي الجزر ثم الباذنجان ثم الكوسه اخر شي القرع واذا طبخ خمس دقائق بعد القرع نقصر النار نضيف المرقوق وحده وحده يعنى كل حبه نزله ونضغطه تحت شوي وبعدين الثانيه وهكذا( يعني يكون المرق والخضار بين كل وحده والثانيه ) ونتركه على نار هادئه جداً
ونسوي الكشنه (بصل + شوي هيل +فلفل اخضر نقطه اربع قطع كبيره + شوي صلصه على النار شوي )
والوبيا نكون طابخينه قبل طريقته ( لوبيا + ماء + شوي ملح ) حتي تستوي ثم نصفيه
اذا استوى المرقوق مره نقصر النار على فوق ونضيف اللوبيا وفوقه الكشنه بدون تحريك علشان اذا حركتيه تنزل اللوبيا تحت وتحرق الطبخه ونسكر القدر
ملاحظه مهمه جداً
(المرقوق ما يحرك ابد بالملعقه اذا تبين تشوفين شي ابعدي العجينه بطرف السكين )
تحريك مافيه اللهم بلغت اللهم فاشهد
وعند التقديم مافيه غرف اسكبيه بصحن كبير او صينيه او الى تبين وبالعافيه عليكم