المره هذه دق يقول اعطوني بنتي

السلام عليكم ورحمة الله وبركاته
تردد كثير لما جيت اكتب بس والله العظيم مقهوره احس بضيق بهم وفكري دايما شغال حتى في الصلاه اصلي وادعي ولا ادري وش اقول انا دايما موجوده هنا يمكن يوميا اكتب اللي اعرفه مفيد واشكر واسال واشارك الاخوات ارائهم ومن فتره كاتبه موضوع او اكثر من موضوع بخصوص مشكلتي مع زوجي اخرها كتبت بعنوان يراسلني رسايل تقهر بس والله ماارتحت صار لي فتره وانا اقول اكتب اللي صار معي هالاسبوع ولا لا بس احس حالي مخنوقه ودي افضفض لناس تفهم وهذا انا راح اكمل
استمر هذا الشخص يراسلني واللي احس احساس كبير انه زوجي او وحده من اخواته بتحريض منه كتبت او كتب احسن تستاهلين اللي سواه فيك زوجك وهو تزوج وشبعان منك وانتي متخلفه مااحد يضيع واحد بالمستوى هذا وطاعة زوجك واجبه المهم اكثر من عشرين رساله كل وحده مفعوله اكثر من اللي قبلها فكرت وش اكتب مالقيت احسن من كلام الله فكتبت لها اوله (مايلفظ من قول الا لديه رقيب عتيد) فجأه توقفت الرسايل بعد هالرساله قعد يمكن يومين ومااحد رسل وصحين من النوم على صوت الجوال وكنت اقول يارب يكون زوجي حن قلبه علي وعلى بنته وطلع اهو بس ياليت ماكان اهو فتحت الخط وفرحانه فقال اعطيني رقم فلان اخويه قلت خلاص بارسله لك رساله وقفل ولا حتى قال وش اخبارك جلس يمكن ربع ساعه ودق على اخوي واخذ اخوي الجوال وطلع على السطح وانا كل الوقت وانا ادعي يارب يسرها يارب افرجها ونزل اخوي وجهه مقلوب سالته هابشر قال يقول اعطوني بنتي قلت ماحاولت تتفاهم قال مااعطاني فرصه اجيه من هنا يجيلي من هنا تصوروا يقول بنتي لو صار له شي راح احملكم مسؤليتها كل المصاريف اللي صرفوها اهلي على بنتي مو مبينه في عينه وكل المعروف اللي مسوينه اهلي مع بنته نكره والله حتى المستشفيات مايودونها الا خاص من غير اللبس والاكل وهذا هو والله حتى العيد ماشفنا ريال وراح يجي عيد الاضحى الان واهلي هم اللي راح يكسونها ولا اهو ولا داير بال المهم اكمل بعد وش قال قال جيه لزوجتي والله لو تنطبق السما على الارض ماراح اجي واعطوني بنتي واعطيكم ورقة طلاق بنتكم قال اخوي روح للشرع وشوف يعطيك اياها ولا لا قال لو مااعطيتوني الا بعد سبع سنه بنتكم ماراح تشوف ورقتها الا بعد سبع سنه يالله يالله يالله لما قالي اخوي هالكلام وخاصه لما قال يبغى بنته كانها مويه حاره انكتت علي تجمد واناظر في بنتي اااااااااااااااه يابنتي لو خذاها مني كيف اعيش كيف اتنفس لو تشوفون كيف انام انا وهي مع بعض ماانام الين مااحط خشمي بشعرها وكل وقتي لهاومن قال هالكلام وانا كل يوم اتخيل انها راحت سكت لما جااخوي ومسكت نفسي لابكي قدام اهلي جلست الين نامو اهلي ودقيت عليه قلت خليني ادق عسى ولعل يلين قلبه اذا كلمته ودقيت ورد علي قلت له دق علي مااعندي رصيد قال مااني داق واللي عندي قلته لاخوك جلست احاول فيه واقول علشان بنتك وكذا قال طيب شوي ودق وانا جالسه ارتب الكلام اللي راح اقوله له المهم خلاصة المكالمه انه مستحييييييييييل يرجعلي ارجعي انتي مهانه هذي امك مسكتكي خليها تفعكي واخوكي الغدار اللي خذاكي ومارجعكي وسب اخوي قلت انت اخطيت علي وامك طفشتني قال خلي اللي فات الحين تعطيني بنتي قلت لا والله مااعطيك لو تموت قال باخذها باخذها بسلطة القانون هذه المحاكم بلطي ابوابها الين تشبعين وقفل الخط ...................
وانا من يومها منذهله ابي اروح المقلط اطلع الدرج اسوي الشي ولا ادري سويته ولا لا لكن والله العظيم مافقد الامل بالله جالسه ادعي واصلي واستغفر واتمنى انها تنحل ويدق باب اهلي ويقول انا عند الباب ومو مشكله اتحمل اهله لكن بنتي بنتي ماتروح من عندي اتمنى يتوقف بها العمر تبقى على عمر السنه ولثلاثه شهور
هذا اللي حصل وشكله كل يومين بيصير شي ولار اح تنتهي لكن والله اذا كتبت لكم اني ارتاح
دعواتكم يااخواتي لي واللي عندها كلام طيب تونسني فيه