المره هذه دق يقول اعطوني بنتي (اكمال قصتي وتفاصيل رسايله للعيد)

كل عام وانتم بخير
اعتقد صارت قصتي معروفه الان وراح اقولكم وش صار في هالعيد
ليلة عرفه الحمد لله قمت الليل ودعيت وصليت والحمدلله حسيت براحه كبيره ولكنه طويل العمر ماخلاها تستمر فتره طويله يعني لاخر النهار مثلا الصبح يوم عرفه جاتني رساله تركتها شوي وقلت خليها ماابي افتحها وياليتني فعلا استمريت على راي لكن قلت خليني اشوف اش فيها لاني حاسه انها من عنده يمكن الله استجاب دعائي وجاء يبي ياخذنا ونعيد سوه تتوقعون اش كتب فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الصدمه كانت مكتوب فيها بهذا النص
((( من على صعيد عرفه الطيبه وخدمة حجاج بيت الله الحرام شرفا وتطوعا اسال الله ان لايرضى عليك لادنيا ولا اخره وان يريني فيكي عجائب قدرته))))
والله العظيم حسيت قلبي ينبض فحلقي ماقفلتها اتاكد من الرقم ومن التاريخ احاول القى فيها غلط ولا كلمه تكون الرساله مو لي اقسم بالله انكتمت ماعاد قدرت اتنفس وحسيت بدوخه من قوة الدعاء لا اله الا الله قفلت الجوال وجلست على الكرسي لاني نايمه ولاصاحيه
طول الليل وانا ادعي ان الله يصلح اللي بيني وبينه ونعم بالله ولا عندي اعتراض على حكمه وقدرته
جلست الى اليوم الثاني في الليل ودقيت على صديقتي الروح بالروح وعلمتها قالت هذا انسان مجنون متخلف مريض حتى اهي انفعلت تقول هاملكم ولا يسال عليكم ولا يصرف عليكم وبعد يدعي عليكم الله ياخذه اعطيني رقمه وانا اوريك شغله يبغى ينكد عليك في العيد قلت لها تكفين ساعديني احس اني باموت من الالم
ماقصرت كتبت له رسايل وارسلته له
وفعلا كانت تحليلها وتحليكم انتم بعدصح كتبت له (( انت واحد غبي مريض بس احسن انك كتبت لها كذا خليها تصحى من الحلم اللي عايشه فيه انكشف لها قلبك القاسي الاسود))
رد عليها وكتب (وانا عرفت انها انسانه ماتبي تحافظ على بيتها وتمشي بكلام الغير يقصد اهلي))
ردت وقالت (انت تحبها والشوق لها ولبنتك جننك وخلاك تكتب اشياء ماتعنيها )
رد(( وقال انا تجيني رسايل على جوالي كلام ماينقال من ارقام غريبه كلام يقهر قهر وماينقال
ليه بس ليه حطتنا في هذه الحوسه))
ردت (انت السبب انت ضحكت الناس عليها ولاسالت عليها وش تتوقع اذا رجعت لك وتقابلت انت وهي وش بتقول لها احسن رجعتي قبل ماتزوج عليك ولا اللي مسك ينفعك ولا احسن رجعتي غصب عليك ولا الدعاوي هذه والله مافي كلمه شجعتها ترجعلك ))
وتوقفت عن مراسلته وفجاه يرسل رساله على جوالي يعيدني في كلام حلو وطيب عاد انا شوفو الفرحه قلت خلاص اقنعته انه يرجعلنا والليل كامل وانا الحمد لله الحمدلله انحلت وبعد بيوم ارسلي رساله يقول (((انتي اللي رفضتي ترجعين وبنتي اعرف كيف اخذها بطريقتي )) لا حول ولاقوة الا بالله وش هالانسان الغريب وتجي الرساله الثانيه ((((( انا الامور كلها على راحتي وانتي بيتك معروف متى ماتبنه وكل شي في وقته حلو وتذكري هالكلمه زين هههه)))
؟؟؟؟؟؟؟ فهمتوا شي ياناس من هالرجال اتضح لكم شي هذا اللي صار معي يارب كن في عوني انصرني عليه جنني ولا خلاني في حالي واخوي الكبير مو راضي يهدى الا والا يشتكيه يافي المحكمه يا عند احد من رجال جماعته وانا اللي رافضه عندي امل في الصلح صديقتي تقول في احد ماثر عليه امس له راي واليوم له راي مستحيل يكون طبيعي اكيد فيه شي يانه هلوس من الشوق لبنته ولا احد مسيطر على افكاره
وانتوا يااخواااااااااااااتي وش تقولون حسبي الله ونعم الوكيل