المرونة والقدرة على التكيف!

عواطف تركي . :

وعليكم السلام ورحمة الله وبركاته يمكن انتي فاهمه التكيف غلط او بمعنى اخر فاهمه الرضى والقبول بطريقه غلط لان الطبيعي الانسان لما يمر بأوقات انخفاض مشاعر وحزن يتأثر ولازم يعبر عن هذا الشعور بطريقته اما بكاء او كلام او كتابه يعني يسمح لنفسه يعيش اللحظه عشان يقدر يفرغها من داخله وتنتهي بسلام والرضى والقبول والتكيف معناه انك تتقبلين هذا القضاء والقدر بمرارته مثل ماهو وماتعترضين عليه ولا تصارعينه وهذا القبول لا يعني انك تكونين حجر وصخر ما تحسين اتمنى قدرت اوصل لك الفكرة صح اما بخصوص الضغوطات لازم تعرفين كيف تتعاملين معاها وتفرغينها بطريقه تكون مناسبه لهذا الضغط حسب نوعه ومصدره اما مسألة انك تتركين الضغوطات كذا متراكمه وتبين نفسك ما تتأثر هذا كلام فاضي لاننا بشر اما انا عن نفسي في اشياء كثير بحياتي على مر السنوات الماضيه كانت تزعجني كثير واحس بداخلي صراع وضغط و "رفض " لها لانها مو مثل ما احب لكن لما اقتنعت اني مهما اسوي ماراح يتغير شي وان الله حطني بهالظروف يمكن عشان اطور شخصيتي وتفكيري واكون اقوى سبحان الله بدأت اتقبل هذي الاشياء بحياتي رغم انها مو عاجبتني لكن وش اسوي ماراح تتغير فمو منطق اتصارع معاها خلاص خليها بالحياه مثل ماهي ما ادقق فيها ولا اركز عليها وألتهي بحاجات ثانيه غيرها تنفعني تعلمت انه بهذي الحياه مو كل شي على مزاجنا ومجبورين نتقبل ونرضى بكل هدوء وسلام

وعليكم السلام ورحمة الله وبركاته يمكن انتي فاهمه التكيف غلط او بمعنى اخر فاهمه الرضى والقبول...

🇸🇦السعوديه🇸🇦 :

مافيه مثل الزمن ياورد يعلمنا كيف نتأقلم وكيف نتعامل مع محيطنا المادي والمعنوي. كيف نتفاعل مع المواقف السلبيه والإيجابيه. كيف نتقبل واقعنا بحلوه وبمره كيف نستفيد من كل شي مرينا فيه ونحاول ما نكرر أخطأنا. الله سبحانه وتعالى يقول (وخُلق الإنسان ضعيفا) مهما كان قوي فهو في الحقيقه ضعيف أمام غرائزه وأمام ما يواجهه. وقال تعالى ( لقد خلقنا الإنسان في كبد) في مشقه وفي عناء. كلنا مثلك ياورد مافيه كمال ولافيه مثاليه ولافيه إتزان كامل لاتضنين إن فيك خلل أو فيك عيب ونقص فقط تعاملي مع محيطك ومايعتريك بطبيعتك لاتكتمين مشاعرك ولاتضغطين على نفسك عشان تكونين كامله. مدري ليش موضوعك أثر فيني😳🥺

مافيه مثل الزمن ياورد يعلمنا كيف نتأقلم وكيف نتعامل مع محيطنا المادي والمعنوي. كيف نتفاعل مع...