السلام عليكم ورحمة الله
يا بنات حواء قريت قبل فتره موضوع عن تخفيف الكرش بالمر
وجربته قبل الدوره بخمس ايام واستمريت ايام الدورة والله يا بنات راح نص بطني
والطريقه اللي سويتها اني اخذ قطعة مر واغسلها بعدين احطها بعلبة ماي وكل شوي ارجها وصرت اشرب منها كل ساعتين مقدار كاسة شاي
وصار خصري حلو
انا بصراحه استخدمتها في نفاسي بولدي اللي قبل الاخير ولاكملت الاربعين الا الكل منهبل ببطني وانا جايبته قيصري
بعدين حملت وهو عمره سنه ونص ولما جبت بنتي ((الله يحفظهم ولا يحرق قلبي عليهم)))مااستخدمت المر في النفاس والله لا يوريكم طلع لي بطني لاني والده قيصري والحين بنتي عمرها 10شهور
لما قريت موضوع الاخت ناسيه اسمها عن المر تذكرت على طول وربطت الاحداث ..........
في نفاسي بولدي كنت حاطه غرشه على التسريحه كلما دخلت شربت وغرشه بالحمام اتوضا فيها ........
المر جدا رائع اتذكر انه اختي طلع على رموش عينها حبه كبيرة وصارت تضغط على الجفن وراحت مستشفيات وهاتك يا مراهم ولا فيه فايده راحت امي وعجنت المر وخلتها تغمض عينها وحطت عجينة المر على الحبه وغطتها بشاش طبي وقالت لها نامي واختي كانت زعلانه تقول ما نفعت المراهم الطبيه ينفع المر ولما جا الصبح الا البنت مصدومه الحبه شبه اختفت,,,,,,,,,,,,,,
ولي انا تجارب كثيرة مع المر لكن تعبت ايدي وان شاء الله اكتبه
((ادعولي انا وزوجي واولادي ان الله يصلح ما بينا وبين اهل زوجي ويحنن قلب ام زوجي على ولدها وعلي انا واولادي )))
ام فجر76 @am_fgr76
عضوة نشيطة
يلزم عليك تسجيل الدخول أولًا لكتابة تعليق.
ام فجر76
•
من تجاربي مع المر
انا اولا عندي اربع اطفال بعد ولدي الثاني طولت ما حملت كنت استخدم حبوب منع الحمل جينيرا ولما تركتها وكنت ابي احمل ما كتب الله وقعدت سنتين وكنت خايفه اني ما احمل لاني ابي الاطفال احبهم ولما كملت السنتين رحت هذاك الشهر وكشفت عند الدكتورة وقالت انتي ماعندك بويضات المبايض ما فيها بويضات وقلت الحمد لله وكنت الايام الاخيرة من الدورة وتذكرت صديقتي قالت انها استخدمت تحاميل مر وحملت هذاك الشهر بس هي كان عندها التهابات وانا لا ما كان عندي سويت التحميل واستخدمت ثلاث ايام ورى بعض وبعدين تركتها وبعد شهر ونص طلعت حامل ...........((قلت قصة حياتي بس حبيت افيدكم ))
انا اولا عندي اربع اطفال بعد ولدي الثاني طولت ما حملت كنت استخدم حبوب منع الحمل جينيرا ولما تركتها وكنت ابي احمل ما كتب الله وقعدت سنتين وكنت خايفه اني ما احمل لاني ابي الاطفال احبهم ولما كملت السنتين رحت هذاك الشهر وكشفت عند الدكتورة وقالت انتي ماعندك بويضات المبايض ما فيها بويضات وقلت الحمد لله وكنت الايام الاخيرة من الدورة وتذكرت صديقتي قالت انها استخدمت تحاميل مر وحملت هذاك الشهر بس هي كان عندها التهابات وانا لا ما كان عندي سويت التحميل واستخدمت ثلاث ايام ورى بعض وبعدين تركتها وبعد شهر ونص طلعت حامل ...........((قلت قصة حياتي بس حبيت افيدكم ))
الصفحة الأخيرة
ويهدي ام زوجك ويصلح مابينكم ..
وجزاك الله كل خير