المزواجه ونظرة المجتمع لها

مرحبا

حابه اعرف ليش المجتمع ينظر للمزواجه نظره دونيه مليئه بالشك وخاصة النساء يخافن منها ومايسمحن لبناتهن يزورنها او يحتكن فيها

انا اشوف انها مارتكبت محرم و من حقها تتزوج مره واثنين وثلاث وعشر الى ماتحصل الانسان الي يستحق تكمل حياتها معه ومو ذنبها انها مانسجمت ولا حست بالاستقرار مع ازواجها السابقين او انهم طلعوا موب كفو واعترض على الزواجات السريه الي تجيب لها كلام الناس وماتحفظ حق اطفالها لو ربي رزقها منه

اثير هذا الموضوع اليوم بمجلس والكل ينقد ويتهمها بانها شهوانيه وماهمها الا نفسها وغيرها قعدت على عيالها من تطلقت او ترملت وهي بعز شبابها
الناس موب واحد ورضا الناس غايه لا تدرك
فيه بنات عادي عندهن تزوجن او لا تطلق او يتوفى زوجها و تعزف عن الزواج وفيه بنات طبيعتهن غير تحتاج لوجود رجل بحياتها لو انحرفت اكلوها الناس بالسنتهم ولو تزوجت هم بعد تكلموا فيها فارفقوا عليهن