المسألة تعقدت..افيدوني..

اشوف مصلحه ولدك اولا واخيرا لاتتركين الرضاعه بالعكس حاولي تاكين اشياء مدره للحليب
وانتي استبدلي هاللهوم الحار بحاجات ماتضر البيبي
وتنفعك وتقويك
تراني بكريه وماعندي خبره بسوالف النفاس بس غريزه الامومه الي فيني خلتني اكتب لك هههههه

عادي اخلطي لهوم من دون اشياء حاره جربي حلبه مع حمص مطحون متساويات واشربي عليهن حلييب وبس مرة ممتازه
وخليك على شاهي الاعشاب وقهوة قشر القهوه وخلاص
الله يشفي ولدك ويخليكم لبعض ويرزقك بره وصلاحه

وعليكم السلام ورحمة الله وبركاته .

الحمدلله على سلامتكم .. وان شاء الله يكتب ربي اللي فيه الخير لكم ويعظم اجركم .

صحة الطفل الآن الزم من اكل اللهومات والاعشاب الزايدة .

خليك على نظام صحي وان شاء الله تطلعي من نفاسك بأفضل من استمرارك على انظمه محدده لانها تناسب البعض وماتناسب البعض الآخر ,, انتي استمعي لجسمك وان شاء الله تعالجيه بنفسك بشكل افضل .

والحليب اللي بصدرك يكفي ان شاء الله وبيزيد لو ساعدتي نفسك شوي ,, الخوف وعدم الثقه بالنفس هي اللي تخلي الوحده تخاف من صدرها وتعتقد انه مايكفي الطفل .

فيه علامات واضحه تعرفي ان طفلك شبعان من صدرك او فعلا تغذيته ضعيفه .

http://arabia.babycenter.com/a1100091/%D8%A5%D8%B4%D8%A7%D8%B1%D8%A7%D8%AA-%D8%AD%D8%B5%D9%88%D9%84-%D8%B7%D9%81%D9%84%D9%83-%D8%B9%D9%84%D9%89-%D8%AD%D8%A7%D8%AC%D8%AA%D9%87-%D9%85%D9%86-%D8%A7%D9%84%D8%AD%D9%84%D9%8A%D8%A8-%D8%A7%D9%84%D9%84%D8%A8%D9%86


http://www.elca********net/portal/%D8%A7%D9%84%D8%B1%D8%B6%D8%A7%D8%B9%D8%A9%D8%A7%D9%84%D8%B7%D8%A8%D9%8A%D8%B9%D9%8A%D8%A9/%D9%85%D9%82%D8%A7%D9%84%D8%A7%D8%AA/%D9%83%D9%8A%D9%81%D8%AA%D8%AA%D8%A3%D9%83%D8%AF%D9%8A%D9%85%D9%86%D8%B4%D8%A8%D8%B9%D8%A7%D8%A8%D9%86%D9%83%D9%85%D9%86%D9%84%D8%A8%D9%86%D9%83/tabid/469/language/en-US/Default.aspx


حبيبتي كاس حلبه لحالها ماينفع .. انتي لازم تعوضي جسمك حتى يقدر يعطي , لو مكتفيه على شرب كاس الحلبه فقط ماعوضتي لا لنفسك ولا للطفل .. وطفلك يكبر وحاجته تزيد ولازم تزيدي انتي الكمية .

خذي الترمس او الزمزمية اللي مقاسها لتر وضيفي فيها :حفنة يد قشر قهوة مع 2 ملعقه صغيرة كمون مطحون وملعقه صغيرة زنجبيل مطحون وملعقه صغيرة قرفه مطحونه .

اشربيها طول اليوم يعني بعد كم من ساعه خذي كاس كبير منها .. هذي تدر الحليب عن تجربه .

افطري بالصباح على تمر وكاس حليب فيه زنجبيل وكمون + 2 بيضه سواء مسلوقه او مقليه مرشوش عليها حبة سواء .

اشربي بالنهار مرق لحم او مرق خضار ودجاج .. واكلي عدس لو ماتحبي اللحم والفول واي بديل للبروتين .

بعد كل رضاعة اشربي اكبر كمية تقدري عليها من الماء او العصير او الحليب ,, او نوعي حسب ماتحبي .

واذا محتاجه خلظة سريعة للإدرار جيبي ملعقة صغيرة ممسوحه من لقاح النحل + ملعقه كبيرة عسل نوعيته جيدة .. حطيهم بكاس ماء فاتر وامزجيها حتى تذوب واشربيها . هذي حلوة لو تشربيها قبل النوم لأن الحليب بالليل يكون اقل من النهار .. ولو في الفجر تشربيها على معده فارغة يكون افضل لو تبين مفعول سريع .

اهم قاعده هي التعويييض ,, جسمك حتى يعطي لازم يكون عنده مصدر اضافي للطاقه .

ما اقول لك اكلي واملي بطنك خصوصا من الاشياء الدسمه والسمن واي صحن قدامك نظفيه .. لأ .

لكن حليبك يعتمد على نوعية اكلك,, لو نظامك اغلبه بدون فائدة وطاقة فطفلك يجيه حليب بدون فائدة وغير دسم ومايشبعة .

ركزي على فيتاميناتك والسلطات والخضار ,, ونظمي نومك لأنه مهم جدا .. واستمتعي بفترة امومتك معه لأن راحة البال تخلي الحليب مستمر بالوجود .

صدرك مو علبة رضاعة تملأ بطن الطفل بزيادة عن حاجته .. هو راح يشرب حاجته بذيك الساعة .. لو طلب اكثر عطيه صدرك خليه يشرب اكثر ,, لو رفض خليه براحته هو يعرف نفسه ..

ولو جدا جدا مضطرة عطيه مرة وحده باليوم صناعي وتكون بالليل او وقت نومه العميق حتى تنامي معه .

الله يسهل عليك ويشفيه لك وتشوفيه بصحه وسلامه .

طبعآ أبنك ورضاعته خصوصآ مع حالة قلبه كلى حلاوه طحينيه وعسلأسود مع الحلبهوأشربى سوائل كتيررررر ومويه
ان شاء الله اللبن يزيد
ولا تحطى شئ حار بلهومك اتغذى بس واهتمى بجرحك

ألف شكر يابنات جزاكم الله خير..
بإذن الله ربي يرزق كل وحدة باللي ببالها