المسألة مسألة تضارب اجيال
السلام عليكم
عندي موضوع ابي اطرحه عليكم ونسمع أراء بعض فيه
نلاحظ دايم من الجيل القديم وهن الامهات الغاليات وبعض الاخوات الي نكن لهم كل الاحترام والمحبه انها تحاول دايم التقليل من الجيل الاصغر وحديثي الزواج وان مشاكلهم تافهه وانهم بزران وماتستحق الامومه كثيره عليها ووو !
مثلا في هذا المنتدى لما وحدة طرحت مشكلتها وصراحه مادري هو اي موضوع واعتذر لصاحبة الموضوع عن ذكر تجربتها لكنه على سبيل الاستشهاد لا اكثر المهم كانت تقول ان زوجها زعلت عليه لانه ماوداها كفي وقامت شافته يلعب بليستيشن وخربت عليه اللعب ، الكثير اتهموها انها بزر وكثير مواضيع يعتبرونها مشاكل بزران والشرهه مو عليهم على الي زوجهم ويتحسرون على عيالهم الي بيربونهم هالبزران المو كفو !!
طيب هذي معطيات الحياه الجديدة والزمن الي احنا فيه الرجل الي يلعب بليستيشن مو بزر هو طفولته غير عن طفولة الاولين الي كانت برعي غنم او فلاحه هو طفولته كانت متمدنه ووممكن امه متعلمه ونشأ بطفولته ببيت مليان اجهزه ووسائل تعلم مختلفه باختصار طبيعي بيطلع غير عن الاولين وغير عن طبعهم واهتماماتهم والاشياء الي تفرحه والاشيا الي تزعله غير عن الجيل الاول يعني طبيعي يزعل ويعصب عشان فريقه زعل هذي معطيات البيئه الي نشأ فيها فيعني مايصلح تجي وحده تقول ان زوجها زعلان ومعصب عشان برشلونه خسر تجين تقولين لها انه بزر ومو كفو لاحبيبتي غلطانه
وبرضو البنت لما تقول انه زعلت لانه ماوداها لكفي او ماخلاها تطلع مع صديقاتها لمطعم تجين تقولين لها انتي بزر ومو قد مسؤوليه طيب هذي البنت مافكرتي كيف نشأتها ! هي من الجيل الجديد وتلقين امها وجدتها بعد موظفات ونمط حياتهم مختلف كليا يعني الطلعات والترفيه عندهم شي اساسي بالحياه مو ترف او دلع زي مالجيل الاول يشوف
اصلا قبل ماكان فيه مطاعم ولا كفيهات ولا اماكن ترفيه عشان يكون مُعتاد عليها عشان ذا هي مستنكره عند هذاك الجيل
مادري اذا الامثله الي قلت تفي بالغرض الي ابغى اوصله او لا ..لكن خلاصة موضوعي ان لكل جيل معطياته وظروفه والجيل الجديد ربي كتبلهم ينخلقون في هذا الزمان وهذي البيئة المتطوره والتكيف مع معطياتها شاءوا ام ابو هذي حكمة الله في خلقه مانقدر نرجع الزمن لورا ونعيش فيه مستحييل..
اذا احد طلب منك نصيحه خليك قد المسؤوليه ولا تحقرين احد كونه من جيل معين وحتى لو ماطلب لاتعلقين على نمط حياة ازواج من الجيل الجديد بمجرد انهم يختلفون عنك!
وكلامي مو في اطار النت لا اطلاقا بالعكس بالحياة الواقعية نلامس هالموضوع اكثر تجي مثلا عمة الولد المتزوج وتشوفه شاري لعبة الكترونه معينه وتهزئه انه رجال هذا طوله وبلعب ورجال منول الي كبره يشقون ويحاربون بالشمس ! هذا اذا ماعايرته بالرخمه وطيحت من عزيمته بالكلمات السلبيه طيب هو بزمن غيير والوضع غير يعني يروح يحارب والدنيا امان عشان يملا عين اهل اول ولا يرجع من دوامه بعز الشمس مشي على رجوله عشان يتذوق مرراته لقمة العيش !
والبنت نفس الشي اذا عندها مشكله تلقين خالاتها وعماتها بيقولولها ماعندك سالفه ماشفتينا منول نولد بحوش البيت محد درا عنا ولا احد رحمنا وانتي تتدلعين تبين المستشفى الفلاني ! يعني تبيها تولد بالبيت وهي بعز التطور والمستشفيات بكل حي وتقنيات تسهيل الولادة كل مالها بتطور بس عشان تملا عين الاولين ويقولون عنها سنعه !!
ترا هذاك الجيل الاول لو انهم عاشو نفس طفولة هذا الجيل وبنفس البيئه المتطوره كان تلقون وضعهم نفس الوضع الحاصل لهذا الجيل !!
وبالنسبه للاطفال الي يتحسرون عليهم الجيل الاول وانهم الجيل الجديد مو كفو يربيهم اقول غلطااانين ترا حتى هالاطفال بينشأون جيل جديد يختلف عن جيل اباؤهم واجدادهم وبيكونون قادرين على التعامل مع معطياته لانهم نشأوو فيه وانشؤه بانفسم فلا مبرر للقلق واساسا القلق على مستقبل الاطفال منهي عنه وكاننا لا نثق بان لهم رب هو خالقهم ووكيلهم في هذه الدنيا ..(وَلَا تَقْتُلُوا أَوْلَادَكُمْ خَشْيَةَ إِمْلَاقٍ نَحْنُ نَرْزُقُهُمْ وَإِيَّاكُمْ إِنَّ قَتْلَهُمْ كَانَ خِطْئًا كَبِيرًا) ما اقصد بالستدلال ( القتل ) لكن استدل بالخشيه بشكل عام وهذا دليل ان الخشيه على الاطفال غير مبرره مهما كان وهنا قيل ان المقصود بالرزق ليس فقط المأكل والمشرب بل الرزق هو كل خير من عندالله الصحه والعلم والسعاده والسكينه كلها من ارزاق الله ..
انتظر ارائكم حول هذا الموضوع :)
Waq @waq
عضوة جديدة
يلزم عليك تسجيل الدخول أولًا لكتابة تعليق.
Waq
•
لما كتبت موضوعي ماتوقعت انه طويل مره كذا الا لما نزل بس مايمنع طوله تفاعلكم ����
موضوعك جميل
وانا بجد اعاني ..
وفي نفس الوقت اكرر الي اعاني منه مع اولادي ....
في ناس اكبر مني تستصغر حجم الاشياء الي اشوفها كبيره ....
والي يقهر اني موقادره امنع نفسي من اني ماقلل من حجم الاشياء الي يشوفوها اولادي كبيره ....--->طبعاً مو بالقوه لكن باسلوب اوضح لهم انه مايستاهل الزعل دا كله
اذا عندك حل؟؟؟؟
وانا بجد اعاني ..
وفي نفس الوقت اكرر الي اعاني منه مع اولادي ....
في ناس اكبر مني تستصغر حجم الاشياء الي اشوفها كبيره ....
والي يقهر اني موقادره امنع نفسي من اني ماقلل من حجم الاشياء الي يشوفوها اولادي كبيره ....--->طبعاً مو بالقوه لكن باسلوب اوضح لهم انه مايستاهل الزعل دا كله
اذا عندك حل؟؟؟؟
الصفحة الأخيرة