بشترك

انا وحده بطيييييئة في التنفيذ .. بس ان شاء الله بحاول اشترك

انا معاكم ..بس اذا خلصناه فين ننزله هنا ..في هذي الصفحة ولا صفحة جديدة

بسم الله الرحمن الرحيم


هذه مشاركتي بيت جوال أستخدمت فيه غرزة العنكبوتة (أنا أحبها جدا وقررت أستخدمها في الجوال)





وهذا الباترون أقرب شي قدرت ألقاه .. مع إختلاف بسيط في عدد الغرز..





أول شي نحتاج خيط رفيع زي القطن أو DMC ماراح ينفع الصوف لأنه الغرزة راح نطلع كبيييييييرة معاكم (( لكن مافي مشكلة جربوها بالصوف لحد ما تشتروا الخيط الرفيع ))

واسمحوا لي احط الخطوات بالتفصيل لإني ما شفت أحد كثير أستخدم هذه الغرزة وشرحها في المنتدى..
( بس بشرط لاتملوا وتطفشوا وتحسبوها طويلة ومعقدة بالعكس لما تعرفوا لها راح تنبسطوا منها وتبدعوا فيها زيي أشكال مختلفة.. بعدين أوريكم اياها في موضوع تاني )

نبدأ بسم الله

قولوا ما شاء الله ..

نبدأ ب 27 سلسلة ( لاتنقصوا ولا تزودوا عشان التقسيمات)





ثم نطلع ب3 سلاسل وهي تعتبر أول عامود ونكمل الباقي سلاسل (تصير 27 سلسلة )





تبقى آخر سلسلة نعمل فيها 3 عواميد بنفس المكان




ونلف الشغل ونشتغل عليه من تحت .. فوق كل عامود عامود زي كذا





وعند آ خر عامود بنفس المكان نزيد عامود واحد ونقفل..







السطر الثاني :::
نعمل 4 سلاسل ونترك سلسة من تحت ونعمل في الثاني عمود.. وبعدين سلسلة وعمود وهكذا لحد ما نقفل..





راح تلاحظوا العمل اتقوس واخذ الشكل المطلوب..




تابعوني

راح تلاحظوا العمل اتقوس واخذ الشكل المطلوب



السطر الثالث :::


نطلع 4 سلاسل( هذا أول عمود ونفس الشي نترك سلسلة من تحت وندخل عمود في الثاني وهكذا الى أن تعملي 6 عواميد بعدين تعملي عمود في الفراغ وبعده عمود فوق العمود ..(( يصير عندك 3 عواميد جمب بعض وراح نسميه مربع مليان )) وبعدين نكمل سلسلة وعمود ...







((وأنا عملت في الخلف نفس الغرزة وممكن أنتوا تكتفوا فقط بالامام براحتكم))
ونحسب 13 عمود بعدين نعمل مربع مليان ونكمل سلسلة وعمود لحد ما نقفل نفس السطر الثالث...


السطر الرابع:::

( نطلع كالعادة4 سلاسل ونعمل سلسلة وعمود ) <<< راح تتكرر دايما وراح ارمز لها ***تكرار***


نعمل لحد العمودالخامس وفوق السادس نعمل المربع المليان ... ثم سلسلة ... ثم مربع مليان .ثم ***تكرار***...
(( يعني مربعين مليانه بينهم سلسلة ))







وكملوا الخلف نفس الامام...



السطر الخامس :::


***تكرار*** لحد ما نوصل قبل المربع المليان بعمود وعبيه 3عواميد .. ثم سلسلتين .. ثم عامود في الفراغ اللي تحت .. ثم سلسلتين .. ثم مربع مليان .. ثم ***تكرار***





السطر السادس:::
***تكرار*** الى قبل المربع المليان بعمود وعبيه 3عواميد .. ثم 3 سلاسل .. ثم حشو قبل العمود اللي تحت وحشو فوق العمود وحشو بعد العمود ( 3حشو) .. ثم 3 سلاسل .. ثم مربع مليان .. ***تكرار***













السطر السابع :::


***تكرار*** الى قبل المربع المليان بعمود وعبيه 3عواميد ..
ثم 4 سلاسل .. ثم حشو قبل الحشو اللي تحت وبعدين 3 حشو فوق كل واحدة ثم حشو في السلاسل اللي تحت ..(تصير 5 حشو)... ثم 4 سلاسل و مربع مليان ... ***تكرار***





السطر الثامن :::


هنا راح نبتدأ نقفل الشكل المعين بالتصغيير..
***تكرار*** الى المربع المليان ونعمل فوق اول عمود عمود ثم سلسلة ونترك تحت سلسلة و نعمل عمود فوق العمود الثالث في المربع المليان.. وهنا نعمل المربع المليان على السلاسل نحط عمودين ...
ثم ننفس السطر السادس لكن نحط الحشو في ثاني حشو من تحت ( تصير 3 حشو)ونكمل 3 سلاسل و نعمل المربع المليان فوق السلاسل ( عمودين بس والثالث فوق المربع ..)) ***تكرار***







السطر التاسع :::


نفس السطر الثامن لكن هنا مافي حشو .. ( بعد المربع المليان نعمل سلسلتين ثم عمود ثم سلسلتين ثم مربع مليان .. ***تكرار***








السطر العاشر :::


نفس السطر الثامن لحد المربع المليان .. ثم سلسلة ثم مربع مليان .. ***تكرار***









تابعوني ولكم الشكر ...