السلام عليكم ورحمة الله وبركاته
الى اغلى خوات واروع مشرفات ....اشكركم من الاعماق
الحمد لله والشكر له ثم لكم لفوزي في هذه المسابقة
فأنا من عشاق هذا القسم ..ومن اشد المعجبات به وبكم وما تخطة اناملكم
وافكاركم التي تنير قلب المتردد والحيران في عالم الديكور
ولا يسعني سوى قول ...اسكنكم الله في جنان النعيم ...ولا حرمكم الاجر والثواب
جزاكم الله عني وعن جميع المنتسبات لهذا العالم كل خير
جهودكم المبذولة ...مقدرة من قبلنا نحن الاعضاء والمشرفات وانه لشرف لنا انكم بيننا وما يزيدنا شرف ان عالم حواء بيتنا الكبير
فالفوز في هذه المسابقة يعد وسام افتخر به
لكم الشكر الجزيل من اختكم الوان الطيف المحبة لكم
الصفحة الأخيرة
مع ان ........احس مشاركتي مالها فايدة بعد اللي شفته
من الردود الحلوة والمشاركات
بس لو ماكتبت بطني بيعورني
بعبر عن اللي في خاطري
=======================
احنا نقدر نسوي اشياء للمطبخ من الاشياء اللي موجودة عندنا
ونحلي فيها المطبخ
الزجاجات الفارغة
البرطمانات
زجاجات الصلصة ... والعصير ... والزيتون ... والخل ....زجاجات كثير ة
نقدر نستفيد منها
نقدر الزجاجات الطويلة
نعبيها مثلا اشياء من البقول
عدس ... فاصوليا ..فول ...ذرة ونعبيها زيت
ونحطها على الرفوف تطلع وايد حلوة
وبعد هذي الزجاجات نقدر ناخذ مالت الصلصة او طعام الاطفال اللي حجمها متساوي حق
البهارات والاشياء البقوليه ...ونقدر نزين غطا العلبه ..بشرايط او نلصق عليها قواقع
وبعد نقدر نسويها حق الشمووع ونزين فيها المطبخ
==========
الزجاجات الكبيرة مالت شرب الماي ... مرات يتكسر الماسك .. او الفم
مانرميه .. نقدر نلصق عليه وروود وشرايط ونخليه في المطبخ كزينة
او نسويه مزهرية
====================
الكثير منا يكون عنده السلال او صناديق الفواكه الخشبية
نقدر نحط فيهم فواكه صناعيه ونزينهم بورود وشرايط
==============
نقدر نستفيد من علب الزيت البلاستيكية والصابون نقصها من المنتصف وعلب الاكلات المحفوضة
نزينها ......ونحط فيها الملاعق والسكاكين
ونحطهم على طاوله الطعام او رف المطبخ
========================
اذا كان موجود عندنا خشبة .......مستطيلة وطويلة اما نجلدها او نلفها بقصدير
ونضرب عليها مسامير نقدر نعلق عليها بعض الملاعق الكبيرة وادوات المطبخ
ومساكات اليد
===========
تقدرين تسوين ستارة صغيرة حق المطبخ حتى لو بخياطة اليد
اذا كان عندج شرشف حلو وينفع ان يكون ستارة
======================
انا بجذي ماخليتكم حتى تشترون
اتمنى ان افكاري توفي بالغرض
والسموووووووحة