والله موضوع مشوق جدا ...
شكرا للجميع على مشاركاتهم الحلوة والغنية ..
ولا تحرمونا من المزيد .. فعالم حواء يستاهل :)
بسمة ..
ياهلا بك وبوجودك ..منورتنا
بالنسبة لخاصية تحميل الصور ..فهي للجميع دون إستثناء
لذا سننتظر مشاركاتك بفارغ الصبر ..
أم فرح
•
الصفحة الأخيرة
هذي صورة لعمل سويته بمنظرة مكسورة خذيت لوحة خشبية ولصقت عليها قطعة قماش على لون الستارة وعلى القماش حطيت تور ابيض وبعدين لصقت المنظرة وحددت الحواف بحبل ولصقت الازهار بهذي الطريقة ........وكنت مسوية مجموعة كبيرة من المرايا المكسورة على لوحات في معرض مدرسي ......... بعض اللوحات كانت فيها مرايات صغيرة يعني لوحة تقريبا فيها ثلاث او اربع قطع حددتها بحبل ولصقت وروود مابينها وفي لوحات رشيت الوروود برش ذهبي وبعد فضي ...... وكان في فتافيت صغيرة بعد سويتها على شكل باقة ورد على لوحة يعني ازهار واغصان وفروع ..................
=======================
وفكرة ثانية في ناس تكون عندهم من بقايا البنيان قطع سيراميك و((كاشي )) مال البلاط يكون مفتت ........ والوان مختلفة تقدرين تكسرينها وتشكلين فيها مثل الفسيفساء ...... على لوحة وتصبين عليها عجينة الجبس بين الفراغات ...
==========
وجيكات الماء ...مالت المياه المعدنية يصير انها تتعرض لحرارة (( نار )) وتشكل كمزهرية
وبعد يصير انها تقص كشكل كاس يعني تقطع من الوسط ويلصق عليها اعواد الايس كريم من جميع الجهات او اغصان الاشجار ....او الاسواك القديمة
وتوضع قطع فلين في الداخل وتغرس فيها بعض الورود والاغصان وترش باللون الذهبي ....يطلع عجيييييييييييب
وهاذي بعض الافكار وعندي بعد بس تعبت
والسمووووحة