*المسافرة* *عزيزة* *أم دانة الدندونة* والجميع تفضلوا للإفادة والاستفادة

هلا وغلا برقيقة.. موضوعج حلو..

بالنسبة لبيتي.. نستخدم أرز بسمتي التعاون.. ومرات بستان.. حبة طويلة.. وبعد نوع ماعرف أسمه بس هو بسمتي أظن أبوسيف أو شي من هالقبيل..

بصراحة كلهم حلوين.. وماشفت عليهم أي شي.. من ناحية الريحة أو التلزق بالطبخ..

وانشالله الخوات بعد يفيدونج.. مع اني أقرا دايما يمدحون أبوكاس لاكن ماجربته..

ننتظر مشاركة باقي الخوات..

بسم الله

اختى انا استخدم رز الوليمه ....... رااااااائع وماله ريحه ونثري بالطبخ

من ناحيه رز تلدا .. مضر جدا جدا . مضاف له محسنات كثيرة مضرة بالصحه ...... ما تشوفين لونه وشلون ابيض وفيه لمعه مهب طبيعيه .

هلا وغلا
بالنسبة لي انا استخدم 3انواع من الرز
ابو كاس لايعلى عليه واستخدمه في كل طبخاتي وبصراحة ماينهرس بسرعة
وتقدري تنقعيه مع ملح وخل حتى تروح الريحة اللي فيه ويطلع لك بالطبخ
رووووووووعة

استخدم رز عنبر اذا حبيت رز ابيض سادة ورز بسمتي بنجابي للبرياني

استخدم رز ابو سيوف (مزة ) للسليق والمعدوس والرز بالخضار

انا استخدم المهيدب مزه وحاولي يكون منتج اقل شي من ثلاث سنين

حلو مره ومافي ريحه لانه ابيض ولو بقيتي الاصفر العبر يعني بعد المهيدب روعه

:cook:

انا استخدم عيش ابو غزالين والوزان والمهيدب وهم حلوين واجد والرائحة رائعة :26: :26: