المسافر المهاجر

السلام عليكم ورحمة الله وبركاته
سألتكم بالله يامشرفات لاتحذفن موضوعي لعلي أجد ضالتي
أخواتي بنات عالم حواء سأطرح عليكم موضوعي لما رأيت من حكمتكن وتجاربكن وفوق كل ذي علم عليم
أخواتي الغاليات كأي زوجة حلمي الأستقرار والسعادة والقيام بواجبات الله جل جلاله إني يتيمه وشفت الذل والإهانة وألوان العذاب وأشكاله ماراح أخوض بالتفاصيل لأنها تتعبني ,,
تزوجت ولي 12 سنة متزوجة في البداية كان طيب وحنين بس بخيل وراتبه يادوب يكفينا جبت منه أربع بنتين وولدين والولدين ولله الحمد من ذوي الأحتياجات الخاصة وشوي شوي بدا يتغير وشفت منه ومن أهله أنواع الإهانة لدرجة هددوني بالقتل إن بلغت عنهم لما ضربوني وكنت صغيرة ودايم الدوم يعايروني يااليتيمه لولا ولدنا ماحد خذاك ياعالم زواجي منه مقدر ومكتوب من قبل أن تخلق الدنيا بخمسين ألف سنة الخطاب ألف والمتزوج واحد ووافقت عليه لأنه كان لاحظو كان إمام مسجد فقلت أكيد بيخاف الله فيني وتم الزواج وماخذيت مهري وسكنت معه بشقه خاليه من الأثاث ونمت على إسفنجه بالأرض يعني مافرحت مثل العرايس ولاتجهزت بشيء فحسبي الله ونعم الوكيل وبدا يسافر كثير وغيابه مايطمن وترك أمامة المسجد ويصلي بالبيت وكثير السهرات مع أصحابه وينام كثير جدا ً جداً في جواله مقاطع فاضحه انصدمت يدخن ويشيش بعد وين المطوع ! صارحته تكلمت معاه بالطيب وبالهدوء مانفع ياخواتي يسافر لدوله أجنبيه معينه خمس مرات بالسنة ويتنقل لغيرها ويرجع للدوله هذي ,, السنة ذي سبع مرات سافر لها وآخرها أول يوم عيد الأضحى والحين له 17 يوم مسافر وحنا محرومين الخرجات يمرض حدا عيالي والله ماأجد من يوديني للمستشفى نحتاج لطلبات البيت مافي أحد يلبينا نحتاج للأهم الأمان حنا نفقد الأمان الأسري وازدادت الكراهية عليه لأنه مستهتر وأشياء كثيرة حاصلة وتحصل ماأبغى أطول عليكم تاركنا ومهملنا دون أدناة مسؤولية وطلبت الطلاق مرات ومرات شوفو رده إذا طلقتك وين تروحين ماحد بيهمه أمرك مخليكي عندي علشان عيالك طيب حلو قلت له خذ عيالك مثل مادخلت ذمتك لحالي أطلع لحالي وأصريت على طلبي وحاصرته,, كل مادخل قلت له طلقني وإذا اتصل يتحجج بشيء أرد على سؤاله طلقني وأرسله بالجوال طلقني وكتبت له أوراق ولصقتها بكل مكان يشوفها أسألك بالله طلقني واتق ِ دعوة المظلوم ويتيمه وأرسله أوراق مع عيالي طلقني , راح وكلم أعز صديقتين لي مع أزواجهن وشرفوني بزيارة طبعن الحريم لحال وأزواجهن معاه بمجلس الرجال ونصحوني وعلشان الأطفال لايتشتتون وخاصة إنهم مرضى فيهم نوع من بعض الإعاقة وإنه مافي أحد يقدر العيال مثل أمهم ولاأحد يعرف يتعامل معهم ولاكيفية علاجهم غيري وأبوهم نفسه مايعرف يستخدم الأجهزة الخاصة فيهم ,,وإنه يحبني ومايستغني عني ايه هين يبغاني خدامة لاأكثر ! وأنا عارفه ومتأكده إن زوجي مايتغير أبدا ً وكل شوي يطلع بحجج واهية قلت وإذا قلب ورجع لخرابيطه حلي الطلاق ,, وحصل هاالكلام في رمضان هذا المنصرم والله عيد خارج المملكة ورجع قبل عيد الأضحى بيومين بس ويوم العيد فر هارباً مهاجرا ً لمعشوقته ,,
و شغلت دماغي أبي حل وجبت رقم وفاكس السفارة من الإستعلامات وكلمتهم وعلمتهم فقط بسفره وإننا نعاني من غيابه المتكرر الذي يدعو للقلق فكان رد القنصل السعودي يابنتي تقدمي لوزير الداخلية وأشرحي له حالتك بخطاب وهم سيتخذون إجراء اللازم مع زوجك ثم يخاطبوننا ويتم إستدعائه ونرسله للسعودية بعد التحقيق معه وتاخذين حقوقك منه داخل السعودية ,, وزوجي مطلع له شريحة دولية وحصلت على رقمه وأرسلت له سأتقدم بشكوى ضدك رد لي أعلى مابخيلك أركبيه ,,
عزيزاتي هل أنتم معي برفع خطاب لوزير الداخلية ضد زوجي ماهو بس علشان سفره عندي أشياء ضده كثيرة ولامجال لشرحها ,, أتقبل آرائكم ونصحكم من غير تجريح ويلي فيني مكفيني شايله دور الأم والأب معا ً مالي أهل ولاإخوان ولا عزوة ولاسند فهو مستغل هذه النقطة وقريت إن الذي يسافر ويهجر زوجته وأبنائه وأسرته من عادات وتقاليد اليهود والجاهلية . وشكرا ً لكم