bent_jeddah_alcool :

اهلين بنات انا قسم انجليزي بس في كليتنا اسمه ادب انجليزي و ترجمة انا من جدة و عشان امكن درست برة فشايفته عادي شويه ممل بس عادي احلى مواد بأخذها هي الترجمة اصلا استمتع و انا اترجم و اشتغلت في الصيف قبل كدة كمترجمة انا الان في الترم الرابع في الكلية يعني ليا سنتين انا بدرس في كلية عفت و ترى الناس يحسبونا بنتدلع في الكلية لا و الله من جد كرفينا كرف بنات خالتي في نفس القسم في عبدالعزيز و ما اشوفهم يتعذبوا زيي. و منهجهم حلو و سهل... مو زينا من جد احنا الصراحة مرة بتعاملوا معانا كأنه الانجليزي لغتنا الاولى لأنو الدراسة في عفت كلها بالانجليزي لكل الاقسام الموجودة حتى الدراسات الاسلامية بالانجليزي فاحن حقون قسم الانجليزي يتوقعوا مننا نكون احسن ناس في اللغة عالعموم الأدب انا عندي في مشكلة احسه صعب و ممل بس الحمدلله انو لنا الاختيار حسب مشروع التخرج نتخصص ترجمة او ادب او فونتكس و انا ناوية طبعا ترجمة طبعا احنا الي نقرر كم ساعة ناخذ و انا اخدة هادا الترم 18 و حاسة نفسي مخنوقة و بموت احنا عندنا المادة الوحدة بس 2 كرديت او 1 كرديت و ساعات التخرج 144 ساعة بس في عبد العزيز 128 شوفتوا الفرق!!! عالعموم بس حبيت اعرف بنفس و انفلت فلتة سكتووووووووووني بس

اهلين بنات انا قسم انجليزي بس في كليتنا اسمه ادب انجليزي و ترجمة انا من جدة و عشان امكن درست...

فراشة كاليفورنيا :

انا حاليا في كاليفورنيا في امريكا ادرس لغة في المعهد في المستوى الثاني بس الله يكافيهم ظلموني ,المفروض اني اكون في المستوى الثالث او الرابع على الاقل انا الحمد الله انجليزيتي ممتازة على شهادة اساتذة المعهد كلهم وحتى زوجي انا ما تعلمت الانجليزي الا من الافلام الامريكية وافلام الكرتون(spongebob squere pants) بالاضافة ان كل واحد يقولي ان الاّكسنت (اللهجة)تبعي امريكي 100% وحتى وحدة من المدرسات في المعهد تقولي انت قد نرة جيتي امريكا من قبل؟؟؟؟ وطبعا انا ما قد طبيت امريكا من يوم ما اتولدت عشان كده الكل عندي يحسدني على لهجتي.

انا حاليا في كاليفورنيا في امريكا ادرس لغة في المعهد في المستوى الثاني بس الله يكافيهم ظلموني...