أم الياس 
والله انا ولدت فيه قبل سنتين وكان فيه قابلات سعوديات يجيبوا العافية ثنتين حبيبات وطيبات والله العظيم ،،، واحدة منهم تمسح العرق من جبهتي وراحمتني مره والثانية فتحت لي سورة مريم بجوالها وكلامهم في منتهى الادب كل ماجوا يكشفوا علي يقولون احنا اسفين سامحينا وادب ورقيقات معي وكل شوي يمسحوا على راسي وانا اتالم صراحة في منتهى الذوق والادب ،،، والله انا في ولاداتي السابقة كانوا اجنبيات وكنت اتعب منهم بس ولادتي الاخيرة غييييير سعوديات والله العظيم بس ادعي لهم لحد الان ، انصحك تولدي فيه ولاتترددين أبدا .

العسكري حلو انا وخواتي نولد فية
بس ع حسب القابلة
انا ولدت عند اروبية بس طيبة وحبووووبة
عسل والله

حبيب ماما عمورتي .. وش هالكلام!! لا ياقلبي مو صحيح استغفرالله انا ولدت فيه وكثييير ولدوا فيه وكان كويس وبصراحه احسن من الخاص واضمن
ابد تطمني ياصاحبة الموضوع 

السلام عليكم


انا ولدت فيه ببنتي عمرها الحين سنتين ونص والحمد لله هو تمام ماعليه وللمعلوميه اللي يولدونك ممرضات ماهم دكاتره واتذكر ان غرفة الطوارئ عندهم سيئه ماغير جالسين ع كراسي تكسرت ظهورنا زياده عالالم اللي فينا وتعامل الممرضات تبع الكشف مرررره زفت ماغير يصايحون وزحمه زحمه مو طبيعيه انا بغيت اولد عالارض وكل مارحتلهم قالو مافي كرسي،،،،وبعدين دخلت امي بالصدفه لانو ممنوع يدخلون مرافقات وبالصدفه انفتح الباب ودخلت ولقتني جالسه عالارض وقامت تهاوش وتصارخ وتقول بتولد وانتم تتفرجون وبعدها اخذوني وكشفو علي وطلعوني فوق والحمد لله الامور في غرفة الولاده ازين ويخلون اي احد يدخل معاك حتى زوجك والغرفه مستقله لحالك يعني،،،،،وهذا اللي اقدر اقوله لك،،،،

انا لو مكانك ما اروح الا اذا حسيت اني خلاص دقايق واولد لان التعب في الطوارئ تحت،،،،،

اتمنى افدتك،،،،اعذريني ع الاطاله ،،،،

الله يجزاكم كل خير من جد خايفه بس ربي يعين