باقعد اكتب شوي شوي علشان يرتفع الموضوع

المهم عن تجربتي الثانية بالمجمع الطبي قسم النساء والولادة الموقر ... طبعا اول موعد لي كان برمضان وردة فعل كانت سيئة جدا جدا مقارنة بمستشفى الرياض العسكري اللي كان قمة في الروعة وخاصة انه نسائي بحت ونظاااااام احب النظام بجنون ..

المهم لما رحت لموعد رمضان قال الدكتور انت بنهاية الاسبوع العشرين ... وكان كل شي تمام الحمد لله ... واعطاني موعد المفروض 8 شوال اروح لكن وين انا كنت بجدة عند اهلي وفوت الموعد وانا بقلبي حارس ومارس لاني ما احب افوت مواعيد المستشفى اخاف وقعدت اوسوس ما ارتحت ... ولما رجعت الدمام راح زوجي المجمع وجدد الموعد طبعا انا قلت بنفسي اكيد الموعد الجديد راح يكون بنص ذي القعدة ويش راح يصبرني ... وتفاجأت يوم جاء زوجي وقال الموعد الاسبوع الجاي :32: معقوووووول بعد خمس ايام فقط !!!!!!!!

طبعا رحت الموعد امس الاحد كان الظهر الساعة وحدة الظهر ... طبعا ما اهتميت بالموعد لانهم اصلا ما يهتمون بالمواعيد خيص بيص ...
اعطينا الاستقبال الموعد واعطتنا علبة التحليل وانتم بكرامه وشوفوا على الموقف اللي حصل يضحك يبكي ...

عملت تحليل البول اعزكم الله واخذته ورحت للغرفة اللي ياخذون فيها الوزن وقياس الضغط وطبعا لازم تحطين العلبة على الرف وتنتظرين دورك في اخذ القياسات لكن لما دخلت واول ما فتحت الباب ضرب ببطن حرمه :22:ول ول ول يالزحمة ما شاء الله ياربي ايش اسوي اطالع قدامي زحمة والغرفة صغيرة اطالع وراي الاسياب زحمة امس بشكل مو طبيعي والله ودخلت ..

وصرت اطالع بالعلبة اللي بايدي احطها ما احطها ( حشى كنز ) تركتها بايدي الين طلع كم حرمه وخفت الزحمه ورحت باتجاه الرف احط العلبة واخترت مكان مميز وحطيتها فيه ورجعت ورى انتظر دوري بقياس الضغط الا والله لخبطة مو طبيعية بعض الحريم الله يهديهم ما يهمهم غير نفسهم تجيك فاتحة الباب وتدفش اللي قدامها وتقعد تاخذ القياسات وتطلع ...

لكن الشي المبكي المضحك :( طالعوا الممرضات بعلب البول وانتم بكرامة ما عرفوا اصحابها ... بعدين صارت الممرضة تاخذ العلبة وترفعها فوق علبة مين هاذي الا وتشوفي الحريم رافعين اصابيعهم كل وحدة تقول هذي حقتي قالت الثانية لا يا اختي انت غلطانه هذي لا وصاروا الحوامل يسألون بعض متاكدة اختي انها لك ايه والله لي هذي علبتي انا سويت كذا :angry2: ... والله غرووووومة رحت جري واخذت علبتي لا يلخبطوني بعد انا ناقصة ... عصبت الممرضة استنوا شوية بالدور وصارت تاخذ علبة علبة وتسأل لمين وتكتب بورقة الرقم واسم الحرمه علشان ما تلخبط لكن تخيلي ثنتين حريم وهم خلاص طالعات من الغرفة كل وحدة تأل الثاني يا اختي متأكدة ان العلبة لك ؟!!!!!!!

بعدها انا رحت للانتظار ويالله حصلت كرسي بالصدفة وحدة قامت وجلست بدل منها .. وقلت لزوجي انتبه لهم لا ينادوني من الزحمة ما اسمع ... ووقتها كانت الساعة 1.45 د. .... وانتظرنا مطولا الا الساعة 3 ولسى ما دخل الملف على الدكتور وكلمت زوجي روح شوف ايش السالفه وراح الاستقبال وسالوه عن اسمي قامت تدور يمين يسار بين الملفات وطلعت ملفي وقالت لزوجي تعالوا معايه اخذت نفسي ورحنا معاها الا ومدخله الملف على كيفها على دكتورة ثانية وعصبت على زوجي هذي مو نفس العيادة انا اتابع عند الدكتور احمد وما احب اغير .. شوي وطلعت الممرضة فرحانه تقول خلاص ملف انته عند دكتورة سارة علشان هي فاضية وما عندها احد وعلى طول دخلتني الا انا مصممة ما ادخل الا عند نفس الدكتور وطلبت منها تجيب الملف طبعا الملف صار عند الدكتورة وقاعدة تقرأ فيه المهم انتظرنا ربع ساعه وبعدها طلعت الملف واخذته لعيادة الدكتور احمد ودخلت بالسلامة وتطمنا على البيبي كل شي تمام لكن الضغط كان مرتفع وصارت المتابعة كل اسبوعين ..

طبعا قبل لادخل عند الدكتور كنت متوقعة اني في حدود الاسبوع 26 او 27 لكن فاجأني بقولته اني لسى بالاسبوع 25 يعني رجعني لورى

طبعا يمكن تقولوا ليش ما دخلت للدكتورة سارة للاسباب انا ابغى زوجي يعيش معايه الحمل يعني ما ابغى اقول الدكتور قال كذا او كذا احب يسمع بنفسه وعند الدكتورة يطلبون من الرجل ما يدخل ..
ومن جهة ثانية انا اصلا كنت بالبداية ابغى دكتورة لكن جاء نصيبي عند دكتور وانا ما احب اقعد ابدل بين الدكاترة ..
لانك لما تتابعين عند طبيب واحد خلاص يصير هو يعرف حالتك ويعرف ايش صار معك المره اللي فاتت ويقارن بالمره الجديدة

تصدقين دايم ادعي ان وقت ولادتي ما يجي زحمة والله حاملة هم ما يعلم فيه الا ربي ...