بسم الله الرحمن الرحيم
السلام عليكم ورحمة الله وبركاته
كيفكم بنات ان شاء الله طيبين بصراحه انا فيني حره وودي اتناقش معكم بس بدون غلط ولا تجريح في الناس انا اتكلم بصفه عامه الحين انا قاهريني هالعالم هالمستشفيات هالاطباء الله لايحوجنا لحد امين ويغنينا بعافيته ياااااااااااااااارب
الحين وشفيكم يادكاتره لي جا الواحد يكشف كانه مغصوب هذي مهنتكم هذا دوركم ليه اجل تدرسون وتتخرجون يوم انكم مو قد المسؤليه ليه تداومون تاخذون فلوس على ايش انا لله وانا اليه راجعون لا اهلي ولا حكومي كلهم صاور واحد وبعدين يهملونك ويعطونك اي كلام بس يبون يمشونك طيب ليييييييييييه والله تعبنا يعني انا الحين عندي غدد ليمفاويه متضخمه لها ثلاث شهور تقريبا رحت لكذا دكتور مايدرون وش السالفه يقولون اتركيها وتابعيها وناس يكتبون علاجات مدري وش تبي ويقولون في التهاب بس ماندري ايش سببه اجل من يدري انا جايه عشان تقولون في التهاب ولا ندري وش سببه وناس مو دكاتره يقولون لاتحارشينها ولاتحركينها حتى بخزعه او عينه يمكن تنتشر طيب وش اسوي انا لله وانا اليه راجعون وطلعت لي الحين ورمه خفيفه في الرقبه الحين معي انا التهاب في الحلق واقول يمكن بسببه وخايفه يكون له علاقه باللي في اعلى الفخذ واذا قلنا للدكتور نبي نسوي تحاليل نتاكد انه مو سرطان لا سمح الله طير عيونه ولا كانه مروع ولا يضحك احنا عارفين انه الواحد يتفائل بالخير بس عاد المرض منتشر وصاير مثل الانفلونزا واحنا ما احنا من حديد ولا في عزله عن الناس اللي يصيب الناس ممكن يصيبنا الله يستر واللي يقهرني انه الحكومي عنده احدث الاجهزه والامكانيات ومافيه الا بواسطه لا وبعد وينافخون عليك ويشرشحونك وياويلك ان قلتي انك شاكه انه فيك سرطان وتبين تاكدين الله يعينك انا لله وانا اليه راجعون الواحد وين يروح عندكم امكانيه ووسائل حديثه طمنو المريض ريحوه صعبه تسوون تحاليل على طول طيب انا شاك من حقي اطمن لا يقولون لك روح وراجعنا بعد شهور يعني ممكن تتطور حالتك وتموت وانت مابعد جا موعدك حتى الاهلي كذا طريقتهم يعني انا الحين ما ادري وين اروح تايهه يارب تشفيني من عندك يارب يعني اسمع كثير عن حالات قالو لهم ان شاء الله مافيكم شي وراجعونا بعدين وهكذا لحد ما يجلسون بالسنه والسنتين ويبان المرض اكثر ويتطور واذا رجعو قالو وينكم ليه تتاخرون ليه اهملتو طيب انتو السبب انتو اللي ماعطيتونا وجه ومستشفيات كبيره عريضه وتروحين تعبانه ويخلونك ملطوعه براااا وحتى لو كانت حالتك خطيره عادي مافي مكان راجعينا بعدين اااااااااااااااااه بس ياقلبي ولا مانستقبل ال الحالات المتاخره ماشاء الله اهنيكم يعني لي مات استقبلتوه ولا فتح ملف لازم تكون فيك مرض خطير عشان يفتحون لك ملف يارب رحمتك
الحين نجي للناس انا معكم انه التفاؤل حلو ومطلوب وتوقع الخير افضل من الشر وحسن الظن بالله شي واجب علينا بس ياجماعه لاتلومونا يعني من حقي اخاف من ربي اخاف من الحساب يعني وحده تدرس طول السنه ولي جا وقت الامتحان حتى لو كانت شاطره لا بد ماتخاف من النتيجه من الاسئله وممكن تتقاجا باسئله خارجيه ما استعدت لها وهذا احنا كذا نخاف ماندري وش بنواجه قدام رب العالمين يعني لما يكون الواحد تعبان ولا طالع في شي غريب ولا خايف من الموت يابنت الحلال انتي وموسوسه يعني بتجلسين طول العمر في هالدنيا ميته ميته يابنت الحلال ترى اللي توسوس في المرض الخبيث يجيها ترى اللي تفكر فيه يصيبها ترى الموته وحده اول مره اسمع انه اللي تخاف من السرطان يجيها حمدالله والشكر وشذا الحكي جيبي لي دليل على هالكلام الامراض منتشره الله يكفينا شرها وانه مو عايشين في محميه عن الناس الثانيه وبعدين الموت حق اكييييد بس ليه تلومون العالم على الخوف من الموت من زين اللي قدمناه والا اللي سويناه ولا هالطاعه الله واكبر ولا احنا من المبشرين بالجنه عشان نقول عادي نموت عادي السرطان يجينا عادي ماورانا شي الا ورانا ورانا حساب ياجنه يانار والواحد احيانا يكون مسوي ذنب يمكن بسيط ومايشيل همه بس عند ربي عظيم يعني مانتهاون بهالشي المبشرين بالجنه ماجلسو مكتفين ايديهم وقالو خلاص بندخل الجنه ماحنا مسوين شي ياعاااااااااااااااااالم ماله داعي هالثقه الزايده الاحتياط واجب
معليش بس انا مقهوره وحبيت اتكلم لانه في حاجات تصير تضايقك وودك تفضفضين :44::44:
آمــــاســــي @amasy_2
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
سبحان الله والحمدلله ولا اله الا الله والله اكبر