المستشفيات وحال المرضى

السلام عليكم ورحمة الله وبركاته. حابه أتكلم اليوم عن مستشفيات القرى والمحافظات الصغيره وأتمنى أوصل معاناتهم لكم يمكن توصل للمسؤولين لأنهم في حال لايعلم فيه الا الله طبعا أتكلم عن تجربه وشفت بعيني الوالده الله يخليها لي مريضه بالسكر والضغط يوم خلص الدوا حق الضغط راحت على أساس معه ورقه علشان تصرف العلاج طبعا قالو لها مافيه طبيب موجود انتظري لليوم الثاني يمكن يجئ ركزو على. ها الكلمة طيب والمرضى وش ذنبهم في حالات سكر وضغط مهمه يعني والله مافيه الاطبيب عام بس ليه طيب وين الاهتمام بالمستشفيات الي يتكلمون عنه وين الميزانية الكبيرة الي خصصتها الدولة مافيه رقابه عليهم مأخذين راحتهم من غير النظافة معدومه وفوضى كبيره للمراجعين مافيه ترتيب ولا نظام ولا التزام بالوقت وماخفي كان أعظم حرام هاذي أرواح ناس وإلله أنهم يسافرون للمدن الكبار على شان يراجعون فيها وليتهم يلقون نتيجه كل يوم مواعيد طيب هو يقطع المسافات علشان يتعالج وانتم كل يوم موعد أتمنى من وزير الصحه يسوي زيارات مفجاءه للمستشفيات ويشوف بعينه المعانه الي يعانونه ما يضره شئ لو ارسل مندوب أوانه يبني مستشفيات كبيره ويوفرون فيها جميع المستلزمات الطبية ويكسب اجر هالعالم أتمنى يوصل الصوت والله أتكلم وأنا مقهوره على حالهم الله يصلح الجميع أن شاءالله أتمنى من الجميع التفاعل لان الموضوع مهم وأنا أبي أوصل الرسالة يمكن فيه احد يقدر يوصل صووتهم ويفرج عنهم