أم شمسه :

يالله ما أروعكم يا بنات حواء .. ما تدرون شكثر فرحت لما شفت ردودكم ودعواتكم بالصحه والشفاء لزوجي .. وشكثر استانست لما شفت 72 رد وأكثر من 2000 زيارة أكيد الكل دعاله وهو يستاهل.. والحمدلله يا جماعه بفضل من الله ودعواتكم الصادقة معاي زوجي قام بالسلامه بس كان في غرفة الأنعاش أغلب اليوم بعد الجراحه بسبب البنج. رحت له وشليت عياله الثلاثه وخذتهم له عشان يدخلون عليه الغرفة قبلي.. ما أعرف ليش بس يمكن كنت مستحية شوي أو منحرجه من المسج وحبيت بعد انه يشوفهم أول عشان أمهد له دخلتي عليه .. كان الوقت متأخر الساعه 9 المساء وكانوا توهم مطلعينه من غرفة الأنعاش وأول ما شافني قال عدّى اليوم ومحد مرني.. وخفت ما تجين !! قلت له تعليقا على المسج( ثرك رومانسي وأنا ما أدري عنك)..وخبرته اني كنت أتصل طول الوقت عشان أتطمن عليه وان الكلام اللي قاله بالمسج وتّرني.. وأني حطيت كلامه في حواء عشان أحصل له دعوات خالصه النية بظهر الغيب من الطيبات مثلكم.. ابتسم وقال والله...قلت له هيه وخبرته باللي كتبته.فضحك وقال لا تضحكيني أخاف الجرح ينفتح الله يسعدكم مثل ما أسعدتوني وشاكره لكم كل كلمة طلعت سواء بقصد الدعاء أو النصيحه وأخص الشكر للخوات اللي كلفوا نفسهم بأدعية خاصه لأم شمسه وزوجها وصدقتوا زعلي ما كان في وقته بتريا لين ما يطلع من المستشفى ;) تحياتي لكم ألف تحية

يالله ما أروعكم يا بنات حواء .. ما تدرون شكثر فرحت لما شفت ردودكم ودعواتكم بالصحه والشفاء لزوجي...