شو اللي ما عشّاج برّه وش هالتأليفات ؟؟؟؟ يا بنات اقرو المواضيع عدل قبل لا تعقون كلام ماله طعم ولا معنى..
أنا كتبت ردود في صفحة رقم 8 ورقم 12 اذا ما كلفتي نفسج تقرين الموضوع بالكامل لا تردين يا اختي.. بس ماله داعي كل وحده تستنتج اشياء من خيالها.. وشدرّاكم وش كان ورانا ولا شو هي ظروفنا أصلا !!! سبحان الله مب لهذي الدرجه عاد يوصل فيكم الاستهزاء

وشدعوه لو انا مب سنعه مع زوجي ولا أقدره ولا أتنازل مثل ما تقولين تعتقدين هو بيتحملني وبيتساهل معاي لهذي الدرجه؟؟؟؟
كفاية ردود استفزازية .. اللي عندها كلمة طيبه تقولها واللي ما عندها خل تمسك ايدها وتوفر جهد اصابعها عن طباعة كلمة جارحه للناس

الله ينولك اللي في بالك عاجلا غير اجل

ماشاء الله
الحمدلله على سلامة زوجك يارب والله كان قلبي معاك بالرغم اني ماعرفك
الله يديم الصحه والسعاده عليكم يارب

الحمـــــــــــــــــد لله ^_^ خبر يفرح والله كنت احاتيكم
يلا صلي ركعتين شكر والله يقومه ويرده بالسلامة ان شاءالله و يحفظكم لبعض آمييييين
ولا عليج من التعليقات النص كم
المهم النية و اصلا وضعج للموضوع عفوي جدا لأن الإنسان في حالة الفرح أو الحزن يتمنى أن الكون كله يشاركه فيه وما يفكر بشي ثاني غير ان الناس تحس فيه وتآزره في هالوقت
وانتي بوضعج لهالرسالة المؤثرة ممكن تكونين فتحتي عيون بعض الاخوات على أمر القضاء والقدر و ان الدنيا ما تسوى الواحد يزعل فيها على الثاني محد ضامن حياته ومن تكون وياه الحين على الأرض ممكن تكون معاه بجنب القبر بعد دقيقة الله يبعد عنكم المصايب والابتلاءات ويحفظكم ويطول عماركم واعمار كل من تحبون ويهنيكم في حياتكم يااارب آميييييييييين

سلامي لج يالغالية

اختج ماروكو

الحمدلله على السلامة

يابنات خفوا شوي على اختنا أم شمسة
الله يجمعها مع زوجها على أحسن حال وبس