المسج الي طيح وجهي قدام زوجي

مساء الخير ياحبايب


أنا يابنات عند اهلي من الاربعاء الماضي قلت لزوجي ودني لاهلي ابي اذاكر عندهم بعد النكد وافق بعد ماقلتله امي تساعدني ببنتي وافق على مضض المهم ماقصر أبو الشباب وداني لاهلي للرياض ورجع الشرقية يوم الخميس المهم اما جيت لاهلي والله إني ادرس واصحى الصباح كل يوم اذاكر للظهر وعقب تصحى بنتي تأخذها امي وانا أنام للعصر وعقب تجي طلعات أو زيارات بيني وبين خواتي وبنات خالاتي واعمامي يعني فللللللللللللللللللللللله زوجي عرف بهالوضع وقال خلاص مابخليتس تقعدين بالرياض من هنا من هناك رضى ووافق اجلس للجمعة خخخخخخخخخخخخخ البارحة اتصل بالليل وانا تو رجعت من السوق وتعبانة يدوب تسبحت وارضعت بنتي وبنام الا ويتصل ويقلي حرام عليتس زهقت بلحالي وتعالي وطفشان وبحجزلك وتعالي بكره ومن هالكلام قلتله خلاص عالقل خلني للاربعاء عشان اكمل مادتين ووافق وودعته وسكرنا شوي الا واناظر الجوال بالظلام وهو يولع يعني اتصال او رسالة ناظرت الا هو مسج من زوجي يقول فيه


شوفي والله لو ترجعين مرة ثانية وتجين بكره والله لاذبحك يابنت الك...............

بنات تفاجأت وانصدمت وقلت اكيد انه يجيب وحدة للبيت لكن شلون وهو يقلي تعالي وفقدتك تهبلت


قمت ارسلتله مسج وكتبت فيه تحسب إني بزعل لا ماراح ازعل من زينك عاد لكن لا تحلم إنك تشوف بنتك عقب ولا مسحت مسجه ببالي بحفظه دليل ضده

ارسلتها له الاشوي وهو يتصل ولا ارد عليه ابكي طبعا ليش وش سويت له عشان يقلي كذا وربي انه حقير حرق جوالي ومارديت شوي ارسل مسج وكتب فيه يالهطفاقة بها الحريم كنت متأكد إنك ماراح تكملين المسج انزلي تحت وارد انزل تحت وانزل القى تكملة المسج (سكران يكلم ناموسة قرصته البارحة )
يابنات ضحكت وطاح وجهي ولا قدرت ارد عليه عقب وهو يتصل ولما رديت الا هو فاطس من الضحك علي يقلي والله اني عرفت انك تحبيني موت وربي ماافكر اعرس يالخبلا وانا ابكي واضحك سوا وهو يقلي توقعت هالطفاقة وقالي خلاص يوم الثلاثاء تكوني هنا وفعلا حجزي لي وبكره بأمشي اهئ اهئ اهئ اهئ اهئ اهئ اهئ



وش رايكم بطفاقتي