المسخن وشوربة الفريكة من المطبخ الفلسطيني مشاركتي الثانية بالمسابقة

%قوت القلوب% :

والخبز الي كنت مجهزته من قبل حطيت كل رغيف وزدت عليه البصل وشويتهم 4 دقائق مع تحمير الوجه شوي بعد ما تحمروا عنا الجاجات والخبز جاهز بنرص االجاج فوق الخبز وبنقلي لوز وبنزين الوجه فيه في نفس ما كنت اطبخ المسخن عملت على مية الجاج المسلوق شوربة فريكة وهي كمان مشهورة عنا بفلسطين وغالبا تقدم مع المسخن والفريكة هي عبارة عن حبوب القمح وقت ما تكون خضرا قبل ما يصير قمح الها مواسم بتتنشف وبتنطحن للشوربة او خشنة شوي للتفلفل المهم غسلت تقريبا كوب فريكة وحطيته علىه مية السلق ونص ملعقة صغيرة سمنة بلدية للطعم ورشة عصفر حطيتهم بطنجرة الضغط 25 دقيقة وصاروا عنا جاهزين وهده الصورة النهائية للمسخن والشوربة الحمدوا لله الذي رزقني اياه من غير حول ولا قوة مني على الاربعة بفضل الله كان الاكل جاهز على الطاولة

والخبز الي كنت مجهزته من قبل حطيت كل رغيف وزدت عليه البصل وشويتهم 4 دقائق مع تحمير الوجه شوي...

♥♥tuta♥♥ :

ما شاء الله يا قوت, تسلم ايدينك على الطرح الاكثر من رائع. عنا اختلاف بسيط ما بين تقديمكم و تقديمنا, اول شي حطيتي بهار مع البصل و عنا ما بنحط, و ثاني شي حطيتي البصل و الزيت على الدجاج قبل ما شويتيه... و احنا ما بنعمل هالحركة... و اسمحيلي اضيف من عندي اضافتين: اول اضافة بايام زمان الدجاج كانوا يطبخوه بالطابون, يحطوه بصينية و يحمروه بالطابون و السبب انه ما كان لا في افران و لا كهرباء و لا غيرها كل اعتمادهم كان على الطابون. و الاضافة الثانية: طريقة طحن الفريكة: تكون باستخدام حجرين فوق بعض اسمهم المجراش "اي ثينك؟ صححوني" و علي الحجر العلوي قطعة خشب بتكون مسكه لتسهيل تحريك الحجر, و في المنتصف منه فتحة صغيرة, بتحطي الفريكة (القمح الاخضر) و بتبلشي تحركي الحجر بشكل دائري بتلاقي انه الفريكة نزلت مقسومة من بين الحجرين.. و اذا بدك اياها ناعمة بتجرشيها مرة ثانية و بالاخير بتنخليها بالمنخل لتشيلي منها قشور القمح.. و هاي صورة للمجراش, و على فكرة هو ثقيل مش خفيف.. سقالله ايام ما كنا نلعب فيه و نعمل مسابقات مين الاسرع في لف الحجر و تجي ستي الله يرحمها تشتمنا و تصارخ علينا و تطردنا من مطبخها.. و هاد المنخل

ما شاء الله يا قوت, تسلم ايدينك على الطرح الاكثر من رائع. عنا اختلاف بسيط ما بين تقديمكم و...