انا باقول لكم تجربتي معه
كنت ساكنه في بيت وفيه حوش وقلت يابنت ليه ماتحطين شي اخضر يحسسني اني في تركيا ولا بريطانيا
المهم واقعد اهدر على راس زوجي وااحاصره من يمين ومن شمال وهو يقول لي مايصلح وانا اقوله مايصلح ها والله انه لو الشي لك ان تجيبه المهم قعدة اهدر على راسه وانا في بالي اقول مايفك الحديد الا الحديد
وبعد الاصرار والتمسكن والدموع والدلع غير الاكلات الجديده وافق
واطلعلكم المحل واشتري هذاك المزيون الاخضر يالله من فضلك >>>>>>>دوعل فكره ماخليت وحده الا وعلمتها عنه
المهم
جبنا العمال وشرطة عليهم يحطون غراء>>>>>>>>>وليتني ماحطيت غراء
المهم
ركبوا العمال الانجيله الصناعيه وانا كنت من فوق عند الشباك اناقز من الفرحه لما اشوفهم يركبونه
المهم
ناداني ابو الشباب يام فلااااااااااااااان>>>>>>>>مشفر
تعالي شوفي وانا الي اجيكم طايره من فوق تقولون فليكس يوم نط
واطالع في الاخضر المزيون والله ان حتى عيوني تغيرة نظرتها لاتلومونها من كثر مانشوف غبار
المهم
واجيب مساندي وفرشتي علشان اقعد وجبت لي ترامسي وهاتك ياجلسه تخيلو لوحدي لان ابو الشباب طلع
واردد واقول>>>>>>>>بيت العز يابتنا
المهم
جاء الليل وانا باقي جالسه لوحدي في الحوش واتقهوا لوحدي بعدها شليت قشي ودخلت البيت وقلبي مع ذاك الاخضر المزيون
طبعا رقدت وقمت الصباح بدري ابغى اطلع الحوش واجيب قشي واقعد

لكن ما اقول الا يافرحه ماتمة
جاء غبار حاس لي ام الاخضر وصار لونه اغبر
وقمت اصفق خمس على خمس
ياربي ايش يطلع ذا الغبار منه واقوم اكنس بالمكنسه الكهربائيه وقامت المكنسه تنازع من كثر ماشفطة من الغبار
واقوم اجيب مويه واغسل لكن لاحياة لمن تنادي
صح طلع الغبار لكن بقية المويه واقعد امسح المويه الى ان انكسر ظهري منه
وصار هذا موالي كل يوم الى ان طفشة منه >>>>> لاني مابغى ابو الشباب يضحك عليه وغير المسخر

المهم طفشت من الاخضر وسيرة الاخضر
وقمت اتميلح لزوجي وابغى اقول له شيله بس خفت لا يجيني بكس منه

وصار هذا الاخضر كابوس عندي وبالذات اذا جاء الغبار


فنصيحه يابنات مالكم ومال ذا الانجيله والله انها تطفش وتجيبين لكي شغله انتي في غنى عنها
وسلاااااااااااااااااااااااااااامتكم

شكله روعه وميزاته احلى

اختي العكاسي

جزاك الله خير على ذكر تجربتك....ب عندي سؤال...لو تركتي المويه تنشف من نفسها فيه اشكاليه؟؟ لاني ناويه عليه من اول بس خوفتيني...

رفع

انا شفته بحديقة عامة جنب بيتي ----بصراحة حلو كمنظر
ولكن فعلا لونه مغبر مع انه مهتمين فيه كثير---لما تجلسي عليه تحسيه قاسي عكس الطبيعي
يبغاله قص كل فترة


وكلها امور بسيطة
المصيبة انه يلممممممم صراصير صغيرة بالهبل --مقرف بصراحة
وانا افضل للبيت الاشجار الكبيرة والنخل والورد بعيدا عن الحشائش وان كان لابد حشيش لازم رصف مع الحجر لانه انظف بكثير واجمل
وربي يرزق الجميع بالبيت الملك
وموفقة