المسك الجامد

حبيبتي ممكن تحطي قطعه صغيره منه في خلطة زيوت عشان يحفظها ويبقى المفعول زي ماهو

ممكن تدقيه بالهاوند و تحطيه بعلبة زيت جونسون حق الأطفال تخلطيهم مع بعض و تدهني عند شحمة الأذن و جسمك كله بعد الترويش و تلبسي

شرشف صلاه و تحطي المبخره تحتك بتطلع ريحتك فواحه متنقله كل مامريتي من جنب أحد بيشم ريحتك طبعا هدي الطريقه قبل المناسبات

و ممكن تعمليه بأكياس شفافه اللي تجيكي صغيره مع ورد مجفف تحطيه بدولاب الملابس يكون تعطير ومررره تمسك الريحه

ممكن تحطيه بأكياس و معها ورد مجفف من العطار و تدخليه في المخده حق النوم أول ماتنامي ريحة المخده تجنن


ممكن كمان تجيبي زيت الورد الأصلي و تحطي داخله مسك مطحون وتدهني المنطقه في الليل لو كنتي متزوجه بس لو بنت تعطري منه نقط بسيطه وقت الخروج و المناسبات تحطي نقطه عن أذنك زي العوده

ولو تبين تعطرين المنطقه الحساسه خذي المسك السائل حق التطهير بعد الدوره لانو هذا مو مخصص لهدي الأشياء مره غلط

وهذا كلام الرسول عليه الصلاة و السلام ذكر انو لمسك السائل حق التطهير من الدوره .. ولو تبيه تلاقيه عند عبد الصمد و بعض العطارين بس م كلهم لانو نصه مغشوش

أنا آخذ السائل من عطار مضمون و صادق مايغش أي أحد ..

و افضل مسك جامد المكعبات حق عبد الصمد القرشي مررره ريحته تهبل لانو اللي في السوق لونه غامق و الريحه مررره تختلف كثير .