المسلسل الكويتي

مشكورة عل هل نقل الحلو .......انا عنى تئثرت كثير من كلمها حتا ماما اسكر التلفزيون
ما تخلينى اشوفة ....اتقولى انتى مو نقصة .......كل ما انخطب ما يعجبنى احد اكملت كملتها راوية


اختج (بحر الصبر )

أنا مالجه و بصراحه يوم أشوفه أقول ( اي صح كلامهااااا )

بس أرجع اقول مو كل الرياييل نفس الشي

و النموذج الحلو اللي في المسلسل هو محمد اللي يبغي يخطبه راويه

لا تتعقدون يا بنات تراهم يمثلون هههههههههه و كلهم متزوجاااااااات و عندهم عيال

:)

شكرا على النقل

أنا أشوف أن المسلسل يطرح مشكلة تعاني منه بعض الأسر اللي تعاني من اضطهاد الرجل للمراة وعدم احترامه لها وتقديره لذاتها ، فشخصية راوية بالمسلسل ما كرهت الرجل والحياة الزوجية لا بعد ما شافت المعاناة اللي عانتها أمها مع ابوها ، ومعاناة اختها حصة مع ريلها مرزوق ، وتجارب اختها غنيمة مع 3 تجارب زواج ، وكملت السالفة بعد تجربة بنت اختها اللي تزوجت بعد ما غرر فيها ابوها وتزوجت هروبا من عيشتها مع ابوها وصدمتها بالرجل اللي حسبت انها راح تعيش معاه احلى ايام عمرها .

ما راح ننكر ان النماذج اللي بالمسلسل موجودة بالمجتمع ، وتعاني منه المرأة بشكل كبير ، وحالة راوية من رفضها للرجل كانت نتيجة طبيعية للي شافته من التجارب اللي حولها .

لو نشوف حالة راوية بالمسلسل وصفتها الكاتبة ( اللي اهي حياة الفهد ) بانها شخصية غير سوية يعني تصرفاتها واحكامها ما ننظر لها من منظور شخص عاقل رزين ، بل نشوف تصرفاتها وأقوالها مصدرها شخصية معقدة خايفة من انها تدخل في تجربة مماثلة للتجارب اللي حوالينها . يعني لما نبي نحكم عليها وعلى تصرفاتها لازم نحط بعين الاعتبار شخصيتها المريضة نفسيا اللي تكونت نتيجة الآلام اللي عايشتها أمها وأخواتها .

أختي أميرة الأميرات بالنسبة لكلامج :اقتباس ( فهي تريد أن تخرج متى ما تشاء وكيفما تشاء وتتصرف في حياتها )
ما اعتقد أن هذا الكلام صحيح لأنج لو انتبهتي أنها كانت تحاسب أختها غنيمة على موعد خروجها وردتها للبيت ، ونجرتها مع بنت اختها على طلعاتها اللي مالها داعي برة البيت . بصراحة انا استغربت من هالنقطة اذا اهي تبي تتحرر من الرجل ولكن تحاول الحفاظ على العادات والتقاليد ، أعتقد أن الكاتبة هني تحاول تقول مو كل وحدة ترفض الزواج يعني انها تبي تتحرروتطلع وتدخل على كيفها .

أسفة على الطوالة عليكم

أنا مو عقدني المسلسل الا سبب لي الرعب ... بصراحه صرت اخاف اتزوج واحد ويطلع من هالنوعيه وبالذات المخدرات اللهم ياكافي شككوني في كل الرجال !!

الله يستر علينا ويرزقنا الانسان الصالح

بصراحه مبالغين فيه