المسلمين ارهابيين...عندك اعتراض اين دليل؟

السلام عليكم ورحمة الله وبركاته

اول شي احب اعرفكم بنفسي

انا عسل الروز
طالبة في امريكا ادرس صيدله

الحين ندخل بالموضوع القصه اومافيها

اليوم كان عندي في كلاس الببلك سبيكنغ ( هي مادة تعلمك كيف تتكلم وتواجه الجمهور )

المهم في هذا الكلاس كل اسبوع لازم اتكلم قدام الامريكان بقاعه كبيره

والموضوع الي لازم اتكلم عنه الاسبوع الجاي عن الاقناع( يعني اقنع الجمهور بشي)

والدكتوره حقتي تبيني اقنع الناس الامريكان باان المسلمين مو ارهابيين

لانها تقول كل الامريكان مقتنعين ان المسلمين ارهابيين فاابيك تثبتيلهم العكس

مع ان هذي الدكتوره مدري ليش حاطه علي وكارهتني ( يمكن لانها عجوز و عجايز امريكا يكرهون المسلمين اكثر من الشبابهم لان شبابهم ضايع مايدري وين ربي حاطه لوتسئلة عن لون بلوزته ناظرلها ماعندهم تركيز)

مع العلم انا طالبه الوحيده العربيه المسلمه المحجبه في الفصل والكل ينتظر موضوعي

ويسئلني عن ايش راح يكون

غالبآ ماتكون مواضيعي مختلفه عنهم الختلاف البيئه والفرق سن



نجي للمطلوب

لو سمحتو ياناس ياطيبين ابيكم تساعدوني

كيف؟

ابيكم تعطوني نقاط الي اقدر اتكلم عنها

او

مواقع تتكلم عن نفس الموضوع

او

الي عنده موضوع عن ( المسلمين ليسو ارهابيين) يرسله او يكتبه


ولي ما عنده قدره يكتب بالانجليزي عادي يكتبها بالعربي وانا اترجمها


ولا تسون الفائده من هذ العمل راح يكون مثل اجر الجهاد ونشر دين

فااتمنى مساعدتي








ملاحظه: لازم اتكلم عن الموضوع خلال هذا الاسبوع فاتمنى تردو علي بسرعه علشان يمديني اترجمه واسوي براكتس عليه ولكم جزيل شكر