لا حول ولا قوة الا بالله.. هو اعترف لك كيف عرفتي .. هو خلاص تزوج وخلاص ماعاد ينفع .. اذا خايفه ومستحيه ليه ماتخلينه .. يشهر زواجه قبل الناس ماتدري .. ويكلونكم .. الله يفرج همك . اللهم صلي على محمد

نصيحة لوجه الله اتركيه وشأنه ترى الفتن في كل مكان وبرأي مافي احد يفكر مسيار إلا خايف من انهيار العلاقة الأولى او وراءه اولاد وخايف من تحمل المسؤولية لما تعرف زوجته واسألي نفسك أيهما افضل يسير بالحلال ولا يخون بالحرام ولعلمك مافي احد بهاالزمن وفي الحريم في كل مكان ياملتزم يتزوج علني وياجبان يتزوج مسيار وياخائن الله المستعان
وعلى قولة اللي جربت الانفصال خاصة اذا فيه اطفال
نار زوجي ولا جنة أهلي

الحمد لله على كل حال ...يا أخوات ...انا عقلي موشوش ..لا تزيدوني. ..الحمد لله. ..والله اني كتبت لكم لأني تعبانة من كثر ما أفكر ...حاسة نفسي عايشة خطأ ..حاسة نفسي امشي معاه في طريق موعر. ..
هو كل مابين فترة والثانية يطلع لي بكذبة من كذباته. .
الموضوع من عرفت ليا 11 شهر وانا وهو في مد وجزر. ..
تعبني. ..تزعزع البيت ماعاد هو مثل اول ...
يضحك عليا بكم كذبة ..واصدقه. .اعامله بالحسنى وزيادة. .
ماشفت منه جديد. ..حتى في المعاملة مافي زيادة. ..
قاهرني. ..واجع لي قلبي ...
ما ابغى اشتت البيت وتكسبه وحده غيري ويضيعوا أولادي. ..حسبي الله ونعم الوكيل. ..
أهلي في عيونهم راح يحطوني ماراح يقصروا أبد معايا ..
بس انا ما ابغى عشان الأولاد. ..
انا منتظرة اليوم اللي أزوج فيه آخر واحد من أولادي. .
يومها راح اقول له ..انتهت مهمتي. ..كنت جالسة عندك عشان الأولاد ...الحين أولادي كل واحد في بيته ..وماعاد ليا رغبة اجلس معك ...منتظرة اليوم هذا يجي. ..
أولادي صغار ...لكن الله قادر على كل شي ...
زي ماقهرني راح يجي اليوم اللي اقهره فيه ...وزي ماوجعني. ..راح يجي اليوم اللي اوجعه فيه ...
يا أخوات ....تدرون اني تحملت عنه أعماله ومهماته وهو يكذب عليا انه مشغول ...تدرون اني تحملت تربية ومشاوير للمستشفى وقضاء احتياجات بعذر انه مشغول ...تدرون اني وهبته لخدمة المسجد وأهل الحي المساكين والفقراء والأرامل والأيتام وتحملت غيابه وقمت بأعمال المفروض هو يقوم وتركها بحجة أنه مشغول. ...
واخرتها كانت خيانة مع كم وحدة ...
وآخرها زواج مسيار. ..
تدرون كم مرة اقول له احتاجك. ..يقول لي لما ارجع ...ويرجع ولا كأني هنا ...


انا ما ابغاه يعلن ...ومو مستحية. ..هو اللي خايف على سمعته وسمعة نفسه. ..انا بس مقهوره من كذباته وخداعه ومكره وتمثيله. ..
مثل عليا انه رجل صالح ...
مثل عليا انه مخلص ..
مثل عليا انه راح يعوضني عن غيابه. ..
حسبي الله ونعم الوكيل. ...

تعبني في كل شي ...
تحملت كل شي ...عشانه ..وعشان الخير ...وعشان الخير ماينقطع بسببي.
صبرت ...عشان الله ...والأجر ...
كتمت عنه تعبي ووجعي. ..في غيابه. ..لأنه هو كمان يتعب عشان خدمة الناس. ..
تحملت تربية أولادي ....ومدرستهم ومشاويرهم. ..في غيابه. ..
صبرت على القيل والقال من أمه وخواته وكتمت عنه ماقلت له ...عشان مااكدر عليه ويقول اني نكدية. ..
كل يوم كان لي قصة وحكاية مع أمه ...اسكت وما اقول له ...عشانه. .وعشانها أمه. ..ابتغيت أجر الجنة من عند الله ...بكرة راح أكون أم. ...ما ابغى أكون ثقيلة على أولادي وعوائلهم. ..
فرض في المصروف. ..بعت ذهبي عشان أولادي أصر عليهم ...
قصر في التربية صرت لهم أم وأب. .
قصر في المسؤلية تحملت مسؤليتي ومسؤليته. ..
تغاضيت عن أشياء كثيرة. ...
ما ثقلت عليه في شي ...وهو عليا من الشاهدين. ..
ما اتكلم عن نفسي عشان أبهركم واعجبكم. .
لا ...
انا اتكلم عن نفسي لاني انا مصدومة من اللي انا كنت اسويه. ..والنتيجة لقيتها العكس. ..
كل ما ذكرت له شي قال سامحيني. ..انا آسف. .غلطت. ..
كيف لي قلب مثل قلبي تحمل وكتم الوجع والألم في سبيل اسعاده يسامحه ويعفو عنه ...كيف ....


وياليته عدل من تصرفاته معايا ...مازالت طباعه زي ماهي ...
وحسبي الله ونعم الوكيل. ..
اللهم اجرني في مصيبتي واخلف لي خير منها

الله يفرج همك يارب
ويعوضك ف اولادك ويخليكم لبعض