المس العاشق :علاج فعال

السلام عليكم،
مافي شي اسمه مس عاشق، هاذا حاله نفسيه تصيب الانسان وتخخليه يعتقد انه مريض بهاذا الشي و بكذا يتجاوب جسمك معه و اعتقد اغلب الناس المرضي الي يعتقدو ان بهم مس عاشق كانو مصابين بهلاممراض النفسيه و لهاذا السبب يرجح غالبيه تصرفاتهم من ممارسه عاده سريه الي المشي باليد.
قصتي يمكن غير شوي ، في ثالث سنه جامعه ، جتني فتره فقدت ثقتي في نفسي لان بديت استعمل كريمات مقشره و حرقت لي وجهي (استعملتها بطريقه غلط) و فوق هاذا صديقتي المقربه فرت علي كلام بنف الفتره خلتني افقد ثقتي بنفسي تماما، و صرت كله ابكي عند امي و ابوي، مو بكاء يوم يومين ، بكاء شهور ! لاكن بعدين هديت شويي و وجهي بدايرجع لطبيعته. المشكله مو هنا، المشكله بعدها بسنه ، كان يتهياء لي كل شي بشي لدرجه جسمي قام يعورني و قمت اتخيل اشياء مارااح تحصل و لا في المليون سنه هههه وقمت اعتقد اني اشوف الممستقبل، والاخطر من هاذا قمت افكر بالانتحار كثير مرات ضمن تهيئاتي طبعا ولاكن كان من الممكن ان تحصل علي ارض الواقع ، و صديقتي نصحتني اروح عند شيخ، قسم بالله اضحك كل ماااذكر انه ينفر علي الماي و يقول لي تححسي بشي يتحرك وانا اقول ايوه،، يعني باختصار فتره عقلي راح فيها بس الحمد الله هلي ودوني عقبها عند دكتور نفسي كتب لي ادويه ضد الاكتئاب و ضد الهلوسه والحين صارلي سنتين اخذهم و بديت اخففهم بالفتره الاخيره و باقيلي اسبوع واحد و اوقف كل الادويهه، و كملت دراسه و تخرجت و صرت مهندسه و ب اقوي جامعه بالدوله. المرض النفسي موب عيب. الدكتور النفسي مادرس فوق الست سنوات عشان تروحو عند شيخ يتفل عليكم و يضربكم بعصا.