كوبونات الراقية تسجيل الدخول

لينا333
لينا333 •
اسأل الله العظيم رب العرش العظيم ان يشفيك ويعافيك ويرفع عنك

وحسبي الله ونعم الوكيل على كل من ضرنا من انس ومن جن
كلمات عااابره
كلمات عااابره •
نســ غـلا ـمـــة نســ غـلا ـمـــة :
انا الان عايشة وميتة بين ماضي وحاضر قولولى من وين ابدء وش اخلى آآآآآآآآآآآآآآآآآآآآآآآآآآآآآآ ة ودى اموت اليوم وارتاح منة
انا الان عايشة وميتة بين ماضي وحاضر قولولى من وين ابدء وش اخلى آآآآآآآآآآآآآآآآآآآآآآآآآآآآآآ ة...
بسم الله عليك انتي حيه وبنعمه احمدي ربك عالصحه كفايه انك تمشين وتتكلمين وتعبرين عن مشاعرك
كفايه انك تقدرين تنظفين نفسك محد ينظفك كفايه انه فيك عقل
احمدي ربك انتي بخير ياأختي والله يحبك ربك يحبك علشان كذا ابتلاك علشان يرفع منزلتك من بين خلقه
المهم توكلي على الله :
شوفي ياقلبي ابتدي شوي شوي لاتجهدين نفسك
1- أول شي عليك بالنظافه والطهاره وحاولي قدر المستطاع انك تكونين على وضوء أغلب وقتك والصلاه حافظي عليها
وحتى لو كنتي نايمه او نسيتيها اول ماتصحي او تتذكرينها صليها اهم شي فروضك الخمس
2- ارقي نفسك دايم وداومي على اذكار الصباح والمساء أقل شي اول ماتصحين اقري المعوذات والحمد واية الكرسي ثلاث مرات ثم قولي اعوذ بكلمات الله التامه ومن كل شيطان وهامه من كل عين لامه - بسم الله الذي لايضر مع اسمه شي في الارض ولا في السماء وهو السميع العليم ( ثلاث مرات ) واذا قدرتي تزيدين من الاذكار زيدي عليها
3- حاولي تروحين لراقي ثقه وسمعته كويسه واستمري معاه بالرقيه انا اسمع عن واحد يقاله الصعيله بالمدينه
4- كل صباح اشربي سدر وطريقته ( خذي سبع سدرات طازجه واطحنيها بالخلاط مع اضافة ماء لها واشربيها واقري طريقتها بموضوعي تلاقينه بملاذ الروح العلاج الفتاك للشيطان المريد والجن العنيد )
5- ابحثي عن حجامه كويسه وحجمي عندها الراس والكاهل والاخدعين وظهرك والارحام وظهر الارجل وخليها تحجم الارحام ثاني يوم الدوره وسوي الحجامه كل اسبوعين وراح تشوفين تحسن بإذن الله كبير ترى الحجامه تضعف الجن وفي حالات تقتلهم المهم الاستمراريه عليها
6- ارفعي معنوياتك لاتستسلمين لوسوسته ابد لاتجلسين بلحالك اجلسي مع اهلك مع خواتك واذا جلستي لاتتشكين وانا فيني ومافيني بكلامك كذا بتجيبين الهم لنفسك واللي حولك حوالي تضحكين تستانسين ادري انه صعب بس لازم تقاومين ترى هالشي يقويك ويضعفه تذكري ان هذا جسمك انتي وهو دخيل عليك لاتخلينه يتحكم فيه خليك انتي المسيطره على جسمك دايم
7- دايم شغلي القرآن نوعي بالسور سورة البقره يس ال عمران الانعام طه الرعد البروج الضحى النجم ونوعي بالمشايخ مره اسمعي للمعيقلي مره ماجد الزامل مره ادريس ابكر وهكذا المهم دايم خلي لاب توبك شغال عالقرآن وحتى وانتي تتصفحين النت
وإذا جيتي تنامين شغلي القرآن وخليه شغال مستمر وشغلي الرقيه وفيه رقيه كثير بالنت نزليها واسمعيها
8- عليك بشرب ماي زمزم واكل سبع عجوات كل صباح اول ماتصحين اشربي السدر والتمر وماي زمزم
9- في طريقه حلوه قريتها للعضوه داعية للخير الله يجزاها كل خير وإن شاء الله بنفذها عن قريب وهي تجيبين زعفران وتنقعينه بماي زمزم وتكون كمية الزفران كثيره والماي قليل يعني نص كوب ماي على ملعقه كبيره زعفران وتجيبين قلم حبر تعبئة وتعبين القلم بماي الزعفران وتكتبين المحو او العزيمه اللي هي الرقيه الشرعيه على ورق ابيض وتخلينها تنشف وبعدين غطسيها بقرشة ماي واشربي منها
المهم الاصرار والعزيمه على الانتصار على الجن لاتستسلمين
شوفي بداية كل علاج تكون صعبه جدا ولكن مع الاصرار والايمان بالله والتوكل عليه ان شاء الله تنتصرين عليه ادري الكلام حلو وسهل والتنفيذ صعب ماهو بالسهوله
انا اللي اكتبلك ياما مرات تعبت وتركت كل شي بس الحمدالله على كل حال
لاتشوفيني تقولين هذي قويه والله اني مرات اكون ضعيفه حيل والى الان انا ضعيفه بس احاول اقوي نفسي انا اول كنت اقدر اتهجد واقول الليل واقرأ البقره
بس الان مااقدر لاأقرأ قرآن ولااصلي القيام والتهجد احس اني بموت واختنق بس جالسه اكافح المهم صلواتي الخمس واسمع القرآن دايم واقوي نفسي وارفع من معنوياتي
بقولك شغله اعرف بنات تقرأ القرآن دايم وتصلي التهجد وتستغفر طول يومها وتسبح بس الجن اللي فيها والشيطان اللي فيها متعبها 24 ساعه عارفه ليه مع انها سوت كل شي
لكن كل شوي تتشكى وانا تعبانه وانا وانا المفروض تسكت وتتحمل لانها بكلامها تقويه وتحبط نفسيتها المهم في العلاج نفسية المريض ورفع معنوياته ماينفع تبتدين علاج وانتي فيك يأس وقنوط من شفائك لازم يكون عندك تفائل انك بتشفين وبترتاحين وبتنتصرين عليه وبتتزوجين وبتجيبين عيال وتعيشين حياتك
والله يشفيك ويشفيني ويشفي كل مريض ومسحور وممسوس واي سؤال انا حاضره