المس والعين لعبو فيني شقلبو حياتي

السلام عليكم
يابنات انا كنت اشتكي هنا في المنتدى اني مريضه مدري ايش فيني وحاسه نفسي صايره زي الهبلاء
وبيتي وسسسسخ مهما انظف مهما اتعب حتى اجيب خدامات بالساعه وماينظف
طبعا من اشياء صار لي من ثلاث سنوات عرفت ان سبب مشاكل ( المس ) !!
- بيتي وسخ من 3 سنوات ماهو راضي ينظف وتطلع منه روائح كريهه و كل ما اشن حملة التنظيف واقرب انتهي الا يجي زوجي يفتعل مشاكل واضطر اترك التنظيف واخلي البيت على ماهو عليه والهى مع مشاكل زوجي . واقعد بالاسابيع في مشاكل كبييييره وبعضها والله مايستوعبها ويصدقها العقل .
- اطفالي مهما انظفهم واسبحهم واعطرهم يبقى شكلهم كأنه مغبر وهذا الشي حيرني مرررره .
- كرهت زوجي وكرهت ريحته واذا مسكني اقعد اصارخ ابيه يبعد عني واذا اتصل على جوالي يجيني هم وغم . واذا دخل البيت احس بهم وطفش وكأنه على راسي .
- صار عندي برود جنسي فضيع لدرجة الان كررررهت الجنس واقرف منه واستفرغ من قرفي من ريحة زوجي .
- اذا كنت الحالي احس فيه احد يتنفس عندي ومرات اسمع صوت شخير .
- تجي فترات احلم ان زوجي او ناس من محارمي يغتصبوني ويجوني من الدبر ، او كأني اشوف رجالين ماعرفهم يجوني من الدبر وكل اللي في الاحلام عرايا !
- حياتي من سيء لاسواء وفيها كمية سلبيه وطفش وملل وروتين ممل فضييييييع .
- اتثاقل طلبات زوجي جداااا حتى البسيط والتافه منها .
- اجمل نومه انامها لما اكون بعيده عن زوجي احس بحريه وسعاده وكأني انتظر الشي هذا من زمان .
- طبعا وضعي مع القراءن والصلاه هذا شيء مؤسف
مهما اسوي جداول قراءه مهما اسوي جداول للحفظ ما استمر الا يومين فقط واجلس بعده شهور بلا قراءه او حفظ
بدون تعمد مني كيف يصير كذا ما ادري .
وحتى لما اقراء قراءن تجيني حكه في انفي او في اذني احس احد يدخل ريشه ويطلعها ، واضطر طول وقت القراءه اتحكك لدرجة اني اوصل احيانا لمرحلة اني اني اسكر المصحف واستمر نص ساعه الى ساعه اتحكك .
- حتى الاستغفار والتسبيح والخ . اذا كنت انظف وانا استغفر او اسبح فجأه اجلس افكر بالناس وبنفسي وبوضعي الخايس واتأسف على حالي واترك الاستغفار خلاص ماعاد اكمله ،،،، وصرت اذا ابي انام استغفر واسبح واحوقل لاني عارفه ان المس بينومني على طول لما اذكر الله .
بنات اللي مرت بنفس المرحله وتعالجت تنقذني ترا وربي وضعي جدا مزري .
ابي اعرف كيف ارقي نفسي ويروح مني هالمس .
طبعا هو جاني قبل ثلاث سنوات
كان زوجي اغلب الوقت مسافر وكنت اجلس الحالي واشغل الاب توب اتصفح والاغاني ترررررن
بالرغم اني كانت صلاتي ممتازه الى انه جاني من جلستي الحالي وتشغيلي للاغاني وترك باب الحمام دائما مفتوح !!
وفوق هذا
جتني عين قويه من اخو زوجي
وصار يحبني ورايح جاي على بيتنا تنقع عندنا
واذا شافني مع زوجي يتغير مزاجه ويصير يطالعني بنظرات غريبه ويتبوسم واي شي يدري اني ابيه يسويه
ويخلي زوجته وعياله يخدموني !!
ومره عزمنا عنده على عشاء وانا صراحه لاني خايفه منه ومتأكده انه بيترصد لي عند الابواب ماكشفت وجهي وجلست بنقابي بالرغم اني كنت في مجلس النساء
وفعلا يابنات والله العظيم لما طلعت زوجته تودي بنتها للحمام مادريت الا زوجها واقف عند باب المجلس ويطالع فيني
طبعا اخذت من اثره كم مره ومدري اذا تحسنت ولا لا
لان المس مره قاويني عشان كذا ماميزت اذا تشافيت من حسد اخو زوجي او لا .
بنات لاتدعون عليه ولا تتحسبون الله يسامحه ويعفو عنه لاني قلت لزوجي عن اخوه وقلت انا مابي اخرب بينك وبين اخوك بس والله طفح الكيل والوضع طلع عن المعقول وقلت له سوالف اخوه وحسيت ان زوجي كان منتبه لاخوه وساكت . بعد كذا ماصار يطلعني مع اخوه او انطلع لبيتهم قطع اخوه مني نهائيا
وهذي قصتي سردتها تقريبا بالتفصيل ارجوكم بنات اللي عندها حل تساعدني وتعاوني
ابي اطيب وارجع لحياتي الطبيعيه والله اشتقت لحياتي قبل 💔