المشاركات في دور التحفيظ و النوادي الصيفية ،، رأيكم يهمني ؟؟

غاليتي ..لا تجعلوه موضوع واحد حتى تعم الفائده ..فمثلا كل شهر عن موضوع معين واثروا الموضوع حتى ينتهي الشهر والبنت فعلا قد استفادت
فمثلا ..هذا الشهر تكلموا عن بر الوالدين ..الشهر اللي بعده عن الصلاة ..الشهر اللي بعده عن اللباس الشرعي ...عن القنوات الفضائيه..وفي الصيف خلوا كل اسبوع عن موضوع ..ويكون فيه برامج منوعه ..قصائد ومشاهد ومنشورات ..وقصص..مسابقات
عن نفس الموضوع ..والله يوفقك فمن حرص على صلاح ابناء المسلمين اصلح الله له ذريته ..

مشكورة اختي كتكوتة على التفاعل
فكرة كل شهر حلوة و المواضيع اللي نتطرق لها ودنا نقررها حسب دراسة علمية لخصائص المرحلة ،،
احنا كل سنة نقرر المواضيع ارتجالي او حسب ما يدور في المجتمع و لكن عيوب هذي الطريقة انك ممكن تكررين مواضيع و تتناسين مواضيع خصوصا ان في مجموعة من الطالبات تكون معانا كل سنة و هؤلاء المعول عليهم و الهدف الاول في النادي ..
مثلا ودي نضع تصور طالبة بعد ثاني ابتدائي تكون ملمة بالمهارات 1|2|3 مثلا اخلاقيات علوم بالتحديد ، الطالبة بعد رابع اضافت المهارات 1\23 بعد سادس و هكذا ... هذا مثال ، و طبعا المواضيع المهمة زي الصلاة و الحياء بر الوالدين ممكن تتكرر للطالبة اكثر من سنة و لكن بطرح جديد
هذي الفكرة اللي في بالي .. و طبعا ما استغني عن شوركم
المواضيع اللي تحدد لابد نراعي فيها خصائصهم العمرية احتياجاتهم مستجدات العصر عشان كذا لابد من تعاون المختصين و المربين امثالكم

جزاك الله خير كتكوتة على كلامك المشجع ،، بالتوفيق للجميع

سؤال: أنتي تقولين نادي تربوي وفهمت من كلامك انه يوم بالأسبوع كيف برنامجكم؟؟ هل لكم خطة معينة أو طريقة في النادي ؟؟
هل فيه مواد أو مهارات لازم يتقنونها؟؟

ونادي تربوي كيف تربوي ياليت توضحين أكثر وتفصلين عشان أفيدك

هلا ام يزيد
برنامج النادي من الساعة 5 الى 8 يوم الاربعاء من كل اسبوع خلال السنة الدراسية ..
الفترة الاولى اسرة يتم فيها حفظ سورة معينة و تفسيرها للطالبات مع التركيز على الوقفات التربوية التي تمس سن الطالبة ، تقسيم الاسر حسب الفصول يعني ست اسر ..
الفترة الثانية تختلف من سنة الى اخرى مرة خليناها اركان تتوزع الفصول عليها ( الطاهية الصغيرة ، المسابقات ، الفن ، الاختراعات او العلمي......... و هكذا ) ،، و مرة خليناها دورات سلوكية عن التعاون ، الصدق ، الايثار و غيرها من المعاني ،، مرات قسمناه الى الى وحدات مثل الا رسول الله ، والدي العزيز ، الحبيبة فلسطين ،،،،،،،،،و غيرها من المواضيع اللي تهم الطالبة في هذي المرحلة ..

يعني احنا نوع في الوسائل من سنة الى اخرى لكن الموضوع او المفهوم اللي تخدمه الوسيلة نضعه بطريقة عشوائية بدون ما تكون عندنا خطة واضحة لكل صف من الصفوف ،، و هذا اللي ابغاكم تساعدوني فيه مثلا العلاقات الاجتماعية لطالبة الصف الثاني تختلف عن طالبة الصف الخامس ايش الاولولية اتكلم عن الام ، الاخ ، الصديقة ، الجار ، الجدة و هكذا طبعا طريقة العرض ما تهمني حاليا كثر الموضوع او المفهوم لان و لله الحمد الشبكة تزخر بالمشاهد و الدورات و الحملات و الافكار ..

اما المواد و المهارات اللي لازم يتقنونها هي بالضبط اللي اسأل عنه ايش المناسب لهذه الفئة العمرية لتخريج جيل واعي مثقف صالح يحمل هم الدعوة ..

اما بالنسبة انه نادي تربوي حتى اميزه عن دور تحفيظ القران الكريم ، فليس من اهدافه ان تحفظ الطالبة القران الكريم فيه بل الكثير من منسوباته يتجهن لدور التحفيظ باقي ايام الاسبوع ..

هلا فيك حبيبتي..

كلامك وااااضح.. فيه شجرة الصلاة الشهرية تصلح لثاني وثالث ابتدائي حنا وزعناها العام على الطالبات ونجحت اذا ما كانت عندك اكتبي بقوفل شجرة الصلاة وتجي أطبعيها وصوريها عدد الطالبات وخليهم يواظبون عليها هذي حلوة عشان البنات يتربون على عدم ترك الصلاة وبنفس اليوم الي توزعينها عليهم ضعي موضوع عن الصلاة تكلمي عن فضلها وعقوبة تاركها واذكري قصص

والبنات الي أكبر اشوي زيني لهم بالكمبيوتر جدول وفائدة الجدول تتعود الطالبة عل محاسبة النفس أنا سويته ووزعته بس حتى الآن ما أشرفت على جداول الطالبات ضعي الجدول يكون حق شهر والخانات ضعي صلاة الفجر والظهر والعصر والمغرب والعشاء والأذكار(أذكار الصباح والمساء,أذكار الصلاة,أذكار النوم)وضعي سنن(السواك,سنة الفجر,السنن الرواتب)وطاعة الوالدين وتجنب الألفاظ البذيئة
ولي تعمل العمل تضع صح أو تلون الخانة بأحمر والي ما تعمل تضع خطأ أو تلون بأخضر

وبين وقت وآخر أسألهم وأذكرهم لأنهم بالمرحلة هذي يريدون تشجيع حتى يتعودون
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بما أنه نادي تربوي فأهم شي يتربى الجيل على مراقبة الله في السر والعلن والخوف منه

تطرقي لبعض المواضيع الي يشتركون فيها كل المراحل العمرية المختلفة كأن تعملون حملة للقضاء على الصور تقومون بتوعية البنات عن حكم الصور تنقلون الفتوى مثل فتوى الشيخ ابن عثيمين وابن باز الله يغفر لهم ويرحمهم وتذكرون الأحاديث الواردة ووضحي لهم أن المقصود بالصورة صور ذوات الأرواح مثل الحيوان والانسان أما النبات والجماد فلا بأس

أن المصورين من أشد الناس عذاباً ومن أظلم الناس .

عن ابن مسعود -رضي الله عنه- قال: سمعت رسول الله -صلى الله عليه وسلم- يقول: ((إن أشد الناس عذابا يوم القيامة المصورون))

رواه البخاري ومسلم
................................

وعن أبي هريرة -رضي الله عنه- قال: سمعت رسول الله -صلى الله عليه وسلم- يقول: ((قال الله تعالى : ومن أظلم ممن ذهب يخلق كخلقي ، فليخلقوا ذرة ، أوليخلقوا حبة ، أوليخلقوا شعيرة)) .

رواه البخاري ومسلم
...............................

أن الله توعد الذين يصورون ذوات الأرواح بالعذاب والنكال .

# عن عمر -رضي الله عنه- أن رسول الله -صلى الله عليه وسلم- قال: ((إن الذين يصنعون هذه الصور يعذبون يوم القيامة يقال لهم أحيوا ما خلقتم)).

رواه البخاري ومسلم .
....................
الملائكة لا تدخل بيتا فيه كلبا أو صورة...كيف أنتم تريدون الملائكة تدخل بيوتكم وأنتم عندكم صور ومجسمات

وأنا أكتشفت ان طالبة ماتعرف أنه حرام يوم دخلت الفصل لقيت على طاولتي ورقة يوم قلبتها لقيت فيها رسمة وجه انسان قلت من الي رسمها واسكتوا قلت علموني ما أسوي لها عقاب ولاشي قالوا فلانة قلت حرام
...........................