ام شيرين الحلوة :

لا يمكنك مشاهدة هذا التعليق لانتهاكه شروط الاستخدام.

نهيـ** أم **ـان :

السلام عليكم ورحمة الله وبركاته هنا ... يا قلبي .. الله يكون بعونج .. وربنا يسهل عليج يا بعد قلبي يا غيوض .. فديتج يالغلا ... سبحان الله يا غيوض .. فعلا من اشوف اسمج بالصفحه ارتاااااااااااح .. عقبال ما ترجع لنا عيون واتكمل فرحتنا ... الله لا يحرمنا منكم ... فديت قلبج الافكار والتميز منكم وفيكم .. واحنا نتعلم منكم ... وبالمناسبه انا قلت لعيون فما ادري قالت لج والا لا ... اني ما مشيت معاكم في المراجعه ... وحطيت لي جدول يناسبني مع الحلقه ام الفناتق ... تواجدج الاروع منه يا عمري .. وبالنسبه لاخباري الحمدلله اليوم اختبرت والحمدلله بفضل الله كنت جيده جدا وبصراحه حابه انقل لكم بعض اللي استفدت منه اليوم في الحلقه وبذكرها على شكل نقاط يا بنات ... بالاول والاخير ... اذكر نفسي واياكم .. بسبب حفظنا لكتاب الله ... وهو فقط للـــــــــه طلبا لرضاه وطمعا بمغفرته .. ثانيا في نقطه مهمه .. والله انا وانتوا كلنا نعرفها بس نغفل عنها .. ولكن باذن الله مخوتنا في الله وتجمعنا طلبا لرضى خالقنا .. راح نذكر نفسنا ولو تطلب ا لامر يوميا وهو الدعــــــــــــــــــــــاء .. ما تصدقون اشكثر ... وصتنا عليه المعلمه .. وبعدها الاستغـــــفار وذكرت لنا قول ابن تيميه رحمه الله عندما تستصعب عليه الامور : " إنه ليقف خاطري في المسألة أو الشئ أو الحالة , فأستغفر الله تعالى ألف مرة أو أكثر أو أقل, حتى ينشرح الصدر, وينحل إشكال ما أشكل. قال: وأكون إذ ذاك في السوق أو المسجد أو الدرب أو المدرسة , لا يمنعني ذلك من الذكروالاستغفار إلى أن أنال مطلوبي" والنقطه اللي بذكرها .. الحين .. برأي انها السبب من بعد الله في المراجعه الصحيحه والتثبيت وهي عمل جدول خاص يعني مثلا .. في الجدول تحطين .. كمية الحفظ اللي مقرر تحفظينه ((ولازم يكرر ما لا يقل عن 25 مره عشان تسهل مراجعته ويتثبت تماااااماااا وفعلا مفييييييييييييييييييييييييييييييييييييييييييييييييييده)) تكون كمية المراجعه للحفظ السابق وكمية المراجعه للحفظ الحالي لازم اتباع والالتزام بالجدول قالت لنا ان في هذه الدوره الصيفيه .... وبعد ما خلص التسجيل وبدأت الدوره ... وخلصنا كميه .. بنت ارادت تسجل .. ورفضت تسجلها.. بس البنت اصرت قالت لها عندج عزيمه تلحقين على البنات .. قالت ايوه وراح اخلص اكثر عنهم .. وسبحان الله قالت بشهر تقريبا خلصت 3 اجزاء .. بتوفيق من الله ثم الهمه والاراده اللي تملكت قلبها .. طبعا حسيت نفسي صغيره .. واعذاري لا نهايه لها .. ولو اترك لاعذاري مجال .. كان ما تحركت ولو وجه واحد ولكن ما نقول غير يااااااااااااااااااا رب عفوك وغفرانك وعونك لازم تجديد النيه .. ولازم محاسبة النفس على التقصير ... ولازم شحن الهمه بين فتره وفتره .. لان الشيطان ووساوسه ما راح يتركنا السموحه تكلمت كلام مو منظم وطويل .. عندي اختبار في الصفات وفي سورة البقرة يوم الاربعاء والله المستعان ,,, اعذروني اذا قصرت بتواجدي معاكم

السلام عليكم ورحمة الله وبركاته هنا ... يا قلبي .. الله يكون بعونج .. وربنا يسهل عليج ...