المشاط والتساقط .........؟؟

تصدقي حتى انا نفس الشيء علشان احنى نغيب عنوا كثير وفجاه نستخدموا
انا لمن استخدموا كل اسبوع مره مايتساقط بس لمن اسيبوا شهر يتساقط
فجاه ماادري ايش اسوي بس صراحه مافي حل غير نستخدموا كل اسبوع مره او مرتين
تمام وان شاء الله مايتساقط شعورنا
وشكرا

الله يسعدك يا نيسو دلوعة زوجها عبرتني ورديتي علي ....مو زي الباقين طنشوني الله يهديهم

المهم انا لما اخذته من وحده قالتلي لو تركتيه ماراح يضرك شيء ولا يتساقط لكن الاسف يمكن هي ماتدري مسكينه انا ماظلمها

بس انتي زيي .....يعني حانصير طول عمرنا نستخدمه ولا كيف ..؟؟

لو حملت وسار مالي خلق ااحطه على راسي بيطيح اكثر من كذا ياربي ......؟؟؟

انتي كم ليكي تستخدمي
لو ليكي فتره تستخدمي وسبتيه مش تمام
بس انتي المفروض الاسبوع الاول تستخدمي كل يوم كل يوم
والاسبوع الثاني استخدمي في الاسبوع 3 مرات والاسبوع الثالث استخدمي 2 مرتين والاسبوع الرابع مره وخلاص لازم تستخدمي في الاسبوع مره علشان لو سبتيه مايتساقط شعرك تمام وهو اصلن في البدايه حتى انا سوالي تساقط فضيع علشان المشاط يساقطلك الشعر التالف والخربان ويطلع بدالوا شعر جديد فهمتي ان شاء الله تكوني فهمتي عليها
الله يسعدك انتي كمان وان شاء الله عمرنا شعرنا مايتساقط
واي سؤال انا موجوده

حتى لو صرتي حامل عادي تستخدمي لانو كلها مواد طبيعيه لا تخافي

الله يجزاك الجنه وويفقك ويخليك لزوجك قرة عينه يارب

انا كنت استخدمه ثلاث مرات بالاسبوع واحيانا مرتين ....والمده اللي استخدمته فيها تقريبا 3او 4 شهور

وسبته فترة 4 شهور ايضا بعد وفاة والدي انسدت نفسي عن كل شيء ومالي خلق

ودحين سار له شهر ونص يتساقط تساقط فضيع ...

يعني تنصحيني اني ارجعله لانه مالي حل غير كدا قبل مااصلع على العيد