المشاعر عندها غير مهمة

إيه نعم
فيه حريـم كذا
أمي الله يسعدهاا
وحدة من صديقاتهاا كذا
موظفة فـِ إحدى مستشفيات
الريااض..


ومرة الله يهديهاا طايرة بالدنيااا
أخر همها زوجها وبيتها..
وإنفصلت من زوجهاا
بعد عشرة زواج مدتها
٣٤ سنة
كاان لسانهاا يلوط أذانهاا
راعية طلعاات وسهرات
وجمعاات
تسافر مع بنات أختهاا
وصديقاتها بالدوام


والله العظيم
كاانت تقول
بعظمة لسانها
ماهمني لاهو ولا عيااله
أصلاً أناا ماني حقة زواج
ولا حمل مسئوولية


لكن سبحاان الله
كاان ومازال يموت فيها
يعشقهااا
يشهق بإسمها
وليومك ذا ماتزوج
من بعدهاا
تحسبينهاا بكت
وإلا تأثرت يوم طلقها
إلا ماهمها تروح
وتجي
وبنتها موظفة صيدلانية
فتحت لأمها شقة بإسمها
وهي عندهاا راتبهاا
وتسوق سيارة
وعايشة حياتها مطاعم كافيهات
جمعات
سفريات
والله ماخلّت بنفسها شي
ماشاء الله عليها
هههـ..

عشانها مستقله ماديا
استقلت عنه ولاهمها

مانقدر نناكد أنه فيه او لا لان كل وحدة تتصرف ع حسب طبيعة زوجها
يعني هو بالعقل المشاعر عند الرجال موجودة ؟ يمكن موجودة بس مو مثل عند المرأة
الرجال يفكرون بالعقل والمرأة تفكر بالعاطفة . . . وتبادل الأدوار شيء لازم في الحياة الزوجية أن يكون الاثنين عندهم عقل وعاطفة بس في رجال عندهم بس عقل وماعندهم عاطفة وفي ناس حتى عقل ماعنده بعد يعني لاعقل ولا عاطفة.
فإذا الرجال يعني ما يهمه رضا أو زعل الإنسانة اللي قدامه هي ليش يهمها 🤡
مدري انا صراحة هذا رايي .. اللي يرضيك ترضيه واللي يزعلك انت تلقائيا لتزعل منه وأساس هالاشياء تصنع بردة فعل دون إرادة .
لان الرجال في النهاية مهما ترضيه مايرضى لاتساليني كيف عرفت انا اعرف كلشيء 🐿️
الجواب يعتمد ع حسب هو يعني يهتم او لا ويقدر او لا لان عدم التقدير للمرأة يورث عدم الاهتمام بالرجل ..
واساسا مافي غير الرجال اللي عندهم هالصفة قلوب حجارة اتوقع انك رجال يالله معليه مجرد توقع 🤡
مجبور الواحد احيانا مثل ماياخذ يعطي يعني مو معقولة الوحدة تذبح نفسها عشان ترضي من حولها لان الانسان مهما كان ذكر او أنثى سالفة الرضا عنده فيها مشكلة مو الكل يمكن بس كثير موجودة. ويمكن من حولها كذا مايهمه رضا أحد أو زعله ومسوي فيها لازم غيري يرضوني؟! ترى كلنا مخلوقين نفس الرغبة والاحساس ونتمنى الناس تقدرنا مثل مانقدرها وتهتم مثل مانهتم بس ترضى علينا هذا شيء يرجع للشخص نفسه لان زي ماقلت الرضا مستويات ويمكن يكون مهو موجود في الإنسان خاصة الساخط

أي فيه
من الصغر يكونون كذا مو شيء طارئ عليهم
يكونون انانيين وماتهمهم العواطف والمشاعر
ومو شرط يكونون عقلانيين بس يغلب عليهم طبع حب الذات والانانية وعدم المبالات بالاخر او بمشاعره

المرأة بطبيعتها عاطفية والرجل عقلاني(هذي مجرد مقدمة)، ولكن في رجال عاطفيين لأنها في النهاية صفة وممكن أي شخص يتصف فيها وبالمقابل في نساء عقلانيات وهالشيء من رب العالمين ولكن الفطرة لا تزال موجودة أنا اصنف نفسي إني امرأة عقلانية ولكن أحياناً تغلبني العواطف نظراً لطبيعة الأنثى وشكراً💎