المشاكل التي اواجهها :"(

السلام عليكن ورحمه الله وبركاته
انا حابه استفيد منكم ومن العلم اللي عندكم بحكم تجربتكم
يا اخوات انا لي متزوجه سته شهور
وانا من قبل زواجي قررت اني ما اخذ اي شي يمنع عني الحمل اللي اجيب اول طفل
عشان لو تأخر علي الحمل اكون متأكده ان السبب مو الموانع بل مشاكل عندي واقدر الحق نفسي واعالجها بسرعه
المهم التزمت بقراري وماشلت هم الحمل او عدمه لاني مؤمنه انه الله لو كتب حمل راح افرح واذا كتب التأجيل برضوا راح افرح لانه خيره من ربي
لكن في النهايه انا انثى وابغا احس باحساس الامومه
وبعد سته شهور بديت احس انه في شي غلط

فرحت عند دكتوره نساء وولاده
وقالت لي
1- انت الرحم عندك جدا رقيق= سته ملي
2- هرمون الحليب زايد=17
3- الرحم عندك فيه انقلاب امامي
4- سالتني اذا كنت احس باي الم اثناء الدوره قلت لها لا قالت اذا يمكن عندك دوره بدون اباضه =كسل في المبايض واللي سببه قد يكون تكيس ع المبايض وقالت لي تعالي 3 يوم من الدوره راح اعمل لك تحاليل واتاكد
5- بعدها رحت عند ممرخه وقالت لي ان رحمي مره نااازل ومايل ع جنبي اليمين

اللحين هم قالوا لي تقريبا نص المشاكل اللي اسمعهها في الحريم اللي عندهم تأخر في الحمل
لكن ولا وحده قالت لي ايش اسبابها
او اش العلاج
او هل هناك ترابط بين ذي الاعراض يعني هل هي كلها بسبب مرض واحد ولها نفس العلاج
او هل هي امراض منفصله ولكل واحد علاج منفصل
انا مره خايفه لاني مالي اي خبره في ذي المواضيع واحسني مره صغيره ع ذا كله يعني انا توني في العشرين وما افهم في ذي الامووور ابد
الله يرضا عنكم انصحوني
يعني لمن اروح عند الدكتوره ايش اسالها وايش اسوي ما ابغا تلعب فيني
وكمان الممرخه نفس الشي خايفه اخذ منها شي يمرضني زياده لانها تبغا تعطيني ادويه واعشاب من تحت


الله يرضى عنكم ساعدوني